Eventos
Estade moi atentos porque o vindeiro 16 de maio terá lugar a estrea mundial (en exclusiva en XEMA.TV) de dúas series ideadas e realizadas polo alumnado do IES Xulián Magariños.
Paciencia... ata ese día podedes visionar os trailers de presentación.
N.E.S.A : Rompendo os escáneres
(Nun mundo rexido por adultos, rumores e Donald Trump, catro rapazas ensinaránnos a ... romper os escáneres)
O que non se ve
(Cinco alumnas chegan novas ao Internado Xulián Magariños. O que non saben é o que se agocha dentro...)
Que non sabedes onde visionar os trailers? Tedes a ligazón a XEMA.TV no menú principal da cabeceira desta web, xusto debaixo do nome do instituto.
A escritora Diana Varela compartirá as súas experiencias co alumnado de 3º e 4º de ESO o vindeiro mércores 16, con motivo da celebración das Letras galegas.
Segundo comentan os nosos enviados especiais a Londres, a viaxe de estudantes de 3º de ESO, acompañados polos profesores Clara Rodríguez e Amancio Liñares á capital inglesa está a ter unha intensa actividade cultural. Podedes facer o seguimento en exclusiva na nosa páxina de Facebook, que contén todo o apoio gráfico.
A Deputación da Coruña encargou a elaboración dun video interactivo para conmemorar María Victoria Moreno con motivo do Día das Letras Galegas. A proposta consiste nun xogo con dez preguntas e un premio virtual que permite achegarse á traxectoria da cuarta muller á que a Real Academia Galega dedica o Día das Letras Galega. De acertar, iranse sumando puntos para a recompensa final, virtual e relacionada coa autora. De non acertar, o xogo ofrece un vídeo explicativo que conduce á resposta correcta. Consideramos que este video pode ser unha ferramenta acaída para difundir a obra e a biografía de María Victoria Moreno entre o alumnado.
Mañá un grupo de alumnos/as de 4º ESO e 2º BAC acudirán coa profesora Elena Paredes a visitar a EASD Mestre Mateo de Santiago, onde poderán coñecer a ampla oferta de estudos artísticos e as instalacións.
Os equipos de producción e o plató de XeMa.TV, a nosa canle de televisión escolar, están que non paran. Na ligazón de XeMa.TV que tedes no menú superior desta páxina teredes acceso a programas tan interesantes como:
- Entrevista a Xurxo Mariño, biólogo e neurofisiólogo, que deu unha charla no noso centro fai uns días.
- Novos episodios das series NESA e O QUE NON SE VE
Non volo perdades!
El Correo Gallego recolle nas súas páxinas a estrea de dúas series de producción propia do alumnado do noso centro.
MÁIS PREMIOS PARA O ALUMNADO DO IES XULIÁN MAGARIÑOS:
Premios de pintura ¨Negreira en cor¨ do concello de Negreira na categoría de 13 a 18 anos:
- 1º premio - Laura Rodríguez Capeáns, pola obra A colleita de 1º ESO C
- 2º premio - María Suárez Canoura, por Paisaxe de 3º ESO C
- 3º premio - Paola Enjo Lueiro, coa obra Orange de 4º ESO A
Os premios consistiron nun vale en metálico de 200, 100 e 50 euros, respectivamente, e en cuxa entrega participaron o alcalde de Negreira, Jorge Tuñas Caamaño, e maila concelleira de Educación, María Jesús Veiga Hortas.
PARABÉNS UNHA VEZ MÁIS!!!
O xoves, día 24 de maio, celebramos un emotivo acto de graduación (1ª vez que o facemos), para despedir ao noso alumnado de 2º BACH. Tivo lugar no salón de actos (que encheuse completamente) estando invitadas as familias e todo o profesorado. Fixo a presentación o director do centro, Adelino José Pose Reino, a continuación a titora, María Rey Rey e a xefa de estudos, María Branco Crespo tomaron a palabra en nome do profesorado e para finalizar interviñeron Fátima Fathallah Ezzine e José Caamaño Noya que deron a réplica por parte do alumnado. Como presentadora a vicedirectora, Clara Rodríguez Núñez e tamén estivo na mesa de presidencia o titor Paulo Rendo Martínez. No trancurso do acto fíxose entrega de diplomas ao alumnado e proxectouse un vídeo sobre a súa estancia no instituto. A destacar as fermosas actuacións musicais de Lara López Súarez acompañada na guitarra por Samuel Lema Capeáns e a de Jonathan Blanco Vieites coa que finalizou o acto. Moita sorte na vosa nova etapa.
Próximamente teredes á vosa disposición as fotos do acto e tamén o vídeo en XeMa.TV.
ÚLTIMOS DÍAS PARA PRESENTAR AS PROPOSTAS A CONCURSO.
O alumnado ao que lle guste o deseño gráfico ten a oportunidade de amosar o seu talento deseñando o logotipo para o IES Xulián Magariños.
Tedes de prazo ata o 25 de maio, así que animádevos!
Mañá venres, 25 un equipo composto por 4 alumnas de 4º de ESO, acompañadas do profesor Amancio Liñares, participarán na I olimpiada galega de Historia na facultade de Historia do campus de Ourense. Moita sorte!
P.D:O noso equipo chámase O Kalivera 30 H. P. (nome dunha das novelas curtas do escritor Xulián Magariños Negreira).
En declaracións ao diario "El Correo Gallego" desvela os seus plans de futuro, que pasan entre outras cousas, por un merecido descanso. Botarémoste de menos, director!
Adxúntase nota informativa sobre as probas do Réxime Libre do ciclo de Comercio
Mais información sobre o réxime de proba libre
O alumnado de 3º de ESO dentro das actividades organizadas polo departamento de Tecnoloxía, preparou unha exposición sobre os materiais plásticos e a súa problemática actual. Nela se poden ver os diferentes tipos de plásticos de uso común, as súas características, as razóns polas que se están a converter nun problema global e o mellor de todo: unha colección de obxectos realizados a partir de plásticos reciclados que nos aportan ideas para darlles un segundo uso a eses materiais antes de botalos ao lixo.
POR FAVOR, en ben do planeta e de todos nós, reduzcamos o uso dos plásticos e colaboremos na súa correcta reciclaxe.
IMPORTANTE: Achégase circular informativa para as familias sobre a Avaliación Final de ESO.
IMPORTANTE: Achégase circular informativa para as familias sobre a Avaliación Final de ESO.
Máis comentarios alabando a publicación do libro "Xente e Terra de Barcala: letras da mocidade" coordinado dende os departamentos de Xeografía e Historia e Galego. Desta vez trátase do profesor e crítico literario Armando Requeixo, a quen agradecemos dea visibilidade a ese traballo colectivo, digno de admiración e eloxio.
O alumnado de sección bilingüe que viaxou a Londres fixo unha visita ao alumnado do Instituto Español Cañada Blanch de esa cidade. É a sexta vez que se produce un encontro así.
Achegamos os modelos de impreso de solicitude de matrícula para o curso 2018/2019 onde se poden consultar as materias ofertadas e posibles itinerarios académicos.
IMPRESOS
Temos a comunicación oficial dun novo premio, esta vez no programa “apuntámonos a non beber” dentro do Plan Proxecta. Gañamos xunto co centro “irmán”, IES Carlos Casares de Viana do Bolo, doble alegría. Parabéns a 1º ESO B e a súa titora polo bo traballo!!!
Aquí vos deixamos o traballo gañador, un excelente exemplo de contrapublicidade.
IMAXE ORIXINAL
IMAXE MODIFICADA
Contrapublicidade: Bacardí Mojito
Para esta campaña escollimos unha foto dun anuncio de ron da marca Bacardí, a bebida en cuestión chámase Bacardí Mojito.
En primeiro lugar quixemos facer un xogo de palabras co nome da propia bebida e por iso cambiamos o nome de "mojito" por "ojito" decorando a palabra con dous ollos de lince ben abertos. Estes representan o vulnerables que podemos chegar a ser se non "andamos con ollo" e nos deixamos levar polo alcol.
Por outra parte, chamounos a atención a beleza da protagonista do anuncio, unha muller xove e atractiva, cuns labios carnosos e unha lingua sensual. Substituimos a lingua sensual por unha serpe velenosa que simboliza os perigos do alcol. A serpe que escollimos é unha serpe bonita, pequena, non da medo, nin noxo, pero o veleno que leva dentro é tan destructivo coma a bebida alcólica que nos queren vender no cartaz.
Por último, no anuncio orixinal poden verse os diferentes pasos para realizar un mojito. Nós cambiamos estes pasos por mensaxes estremecedoras sobre os efectos do alcol no organismo.
Faise público o calendario escolar do curso 2018-2019.
Como novidade máis salientable o adianto das probas extraordinarias de 2º de bacharelato que pasan de setembro a realizarse entre o 17 e 21 de xuño de 2019.
CONSULTAR CALENDARIO ESCOLAR NA WEB DA CONSELLERÍA DE EDUCACIÓN
Na sala de entrada do IES toda aquela persoa interesada pode ver estes días unha demostración do funcionamento das impresoras 3D
