Eventos
Concerto didáctico para 1º e 2º ESO ofrecido polo coro Son Elas. Amosarán o proceso de artellamento dunha formación coral contemporánea usando todas as ferramentas que as novas tecnoloxías ofrecen.
ACTOS DE PRESENTACIÓN DO LIBRO "XENTE E TERRA DE BARCALA. LETRAS DA MOCIDADE",PUBLICADO POLO IES XULIÁN MAGARIÑOS.
O libro ¨Xente e Terra de Barcala. Letras da mocidade¨ aborda aspectos coma Xeografía, Historia, Arte, Economía, Etnografía, poboación ou personaxes, das 33 parroquias que conforman a comarca de Barcala. Os seus autores son os alumnos de Historia, de Primeiro e Segundo de Bacharelato do Instituto Xulián Magariños, coordinados polos profesores: Nuria Araúxo García; María Blanco Crespo; X. Amancio Liñares Giraut e María Rey Rey, dos departamentos de Lingua Galega e de Xeografía e Historia. O proxecto conta ademáis coa colaboración da profesora e escritora Fina Casalderrey, membro da Real Academia Galega, quen foi a encargada do limiar da obra.
Na primeira quincena de decembro vaise facer a presentación pública do libro Xente e Terra de Barcala. Letras da Mocidade, coas seguintes convocatorias:
- En NEGREIRA: Auditorio do Centro Sociocultural. Venres, 1 de decembro ás 20:30 h.
- Na BAÑA: Centro Social e da Terceira Idade. Venres, 15 de decembro ás 20:30 h.
O pasado día 1 presentouse no centro sociocultural de Negreira o libro Xente e Terra de Barcala. Letras da mocidade. A prensa, como non podía ser menos, foi testigo deste emotivo acto. (Ir á noticia)
O último día de clases, xoves 21 de decembro, o departamento de galego organizou unha ruta literaria sobre o poeta X.M. López "Ardeiro", que tivo lugar de 8:45 a 11. Participou na ruta o alumnado de 2º de BAC, acompañados polos profesores María Rey, Noemí Villar, Amancio Liñares, Clara Cristela, Ricardo Rodríguez e Adelino Pose e posteriormente houbo un acto no salón de actos do instituto coa participación do alumnado de 1º de BAC e 4º de ESO.
O IES Xulián Magariños lanza unha nova iniciativa. Unha canle de televisión con entrevistas, debates, entretenimiento, que permitirá facer emisións en directo e tamén contará cun repositorio de programas realizados para ver en calquera momento. E por iso andamos á busca de colaboradores destemidos entre o alumnado, así que se che gusta o audiovisual....contacta con nos !