Aquí vos deixamos un resumo de algunhas das actividades desta última semana. O grupo de 1º ESO de Proxecto Competencial estivo traballando no noso horto escolar para facer plantación de inverno. A ver que tal se da.
Alumnado da facultade de físicas da USC veu ao noso centro e organizou un obradoiro de óptica para o alumnado de 3º ESO. Xogando con lentes e luz láser resulta mopito máis doado entender conceptos como a difracción ou como funciona o ollo humano e como os lentes poden corrixir defectos de visión.
E hoxe as dúas últimas horas estiveron adicadas á ciencia. Os departamentos de Matemáticas, tecnoloxía, lingua galega e física organizaron unha serie de experiencias e obradoiros para espertar a curiosidade científica entre o alumnado de 1º e 2º ESO. Entre outras actividades puideron montar unha cúpula xeodésica, grabar voces e traballar con elas no ordenador, facer maxia matemática, descubrir certas propiedades dos coloides, entender como se constrúen e se manteñen en pé as pontes de arco...Era a primeira vez e foi todo un éxito e esperamos que o vindeiro ano siga crecendo.
Agradecemos a especial adicación do profesorado que organizou este evento: María Ana Domínguez (MAT), Tina Formoso (GAL), Jesús (TEC) Sara Lago (FQ), e por suposto aos alumnos e alumnas que participaron como monitores explicando as actividades aos compañeiros, sen todos os cales esta actividade non podería terse levado a cabo. Grazas a todos!
A xunta electoral estará formada polo director/directora do centro , por un profesor/a , por un alumno/a , un pai nai o titor legal do alumnado e por un representante do persoal de administración e servizos.
12/11
Unha vez finalizado o prazo de presentación de candidaturas para a elección dos representantes de profesorado, alumnado e do persoal de administración e servizos, para cubrir os postos vacantes no Consello Escolar, a Xunta Electoral admite, proclama e publica as candidaturas presentadas polos distintos sectores , que estarán para consulta no taboleiro de anuncios do centro
a) Profesorado: 7 candidaturas
b) Alumnado: 3 candidaturas
c) Persoal de administración e servizos: 1 candidatura
Esta información pode consultarse no taboleiro de anuncios do centro, e poderán presentarse reclamacións á mesma os días 12 e 13 de novembro.
A data das votacións é o 20 de novembro.
Estes son os horarios oficiais de saída das nosas rutas de transporte escolar.
Os autobuses nunca deberán saír antes do horario anunciado obrigando aos estudantes a un tempo de espera esaxerado pola maña cedo ás portas do instituto. En caso de que suceda, cubran as follas de incidencia dispoñibles na web do centro no apartado de servizos-transporte escolar e envíennolas por correo electrónico.
As clases comenzarán o mércores 11 de setembro. Haberá transporte escolar no horario habitual.
As 8:45 horas o alumnado de ESO deberá estar no patio de entrada e será chamado polo seu titor /a para dirixirse á súa aula.
O alumnado de bacharelato e 1º curso de ciclo medio e superior entrará as 9:35
O alumnado de 2º curso de ciclo medio e superior comenzará con clase normal as 8:45 horas.
CORRECCIÓN DE ERROS.
A reunión informativa do martes será so para pais e nais.
O día anterior, martes 10 de Setembro, a partir das 18:00 h haberá unha serie de charlas informativas e presentación para PAIS, NAIS E TITORES LEGAIS do alumnado de 1º ESO. Ver horario completo no arquivo PDF que se adxunta.
As listaxes dos grupos serán publicadas no taboleiro do centro e na web o luns 9 de setembro.
VER PDF COA INFORMACIÓN COMPLETA
Poden consultar os libros de texto para o curso 2024-2025. En xeral non recomendamos mercar os libros antes de falar co profesorado da materia correspondente por se o departamento dispón dalgúns exemplares para prestar. No caso de mercalos, facelo únicamente coa garantía de poder devolvelos, gardando comprobantes de compra e sen desembalalos.
*NOTA 11 xullo : había un erro no libro de Historia da filosofía: non usarán libro de texto
Actualizado co ISBN do caderno de traballo de lingua castelá
O equipo de biblioteca actualizou a guía de acceso a bibliotecas dixitais. GaliciaLe ou ELBE 2 proporcionan unha morea de interesantes títulos para ler de balde estas vacacións. Non perdades esta oportunidade !
PRIMICIA MUNDIAL !
O alumnado de 1º de bacharelato coordinado pola profesora María Dolores Rodríguez Pazo presenta o seu proxecto solidario
Magariño's chefs - Cociñeiros do Magariños
Un libro de receitas propio, en galego e inglés, con cuxa venda pretenden axudar á investigación e tratamento de enfermidades raras. Tanto o alumnado como o resto de persoas que colaboraron na edición do libro o fixeron de maneira totalmente altruista.
O prezo de venda ao público será de 10€ que serán doados na súa totalidade a FEGEREX (Federación Galega de Enfermidades Raras e Crónicas)
Esperamos que vos guste e vos decidades a axudar mercando o libro que xa está dispoñible na librería SIMBA de Negreira (a quenes agradecemos de corazón a súa colaboración) e na conserxería do instituto.
Noraboa a alumnado e profesora por esta marabillosa iniciativa e grazas a todos os que vos animedes a colaborar.
O luns 24 comeza o prazo para formalizar a matrícula do alumnado de ESO e Bacharelato para o vindeiro curso 2024-2025. O prazo oficial remata o 7 de xullo.(NOTA: Ao coincidir o 7 de xullo en domingo este ano, o prazo prolóngase ata o 8 de xullo). É moi importante que respeten no posible o seguinte calendario e horario para evitar aglomeracións e axilizar o proceso.
Se unha vez finalizado o prazo non se tivera formalizado a matrícula perderase o dereito á praza obtida.
O alumnado que vaia facer uso do transporte escolar ten toda a información necesaria sobre rutas, paradas e condicións de uso AQUÍ
DATAS PREFERENTES DE MATRÍCULA
Alumnado que vai cursar
1º ESO : (Apelidos de A-L) : 4 de xullo || (Apelidos de M-Z) : 5 de xullo
(documentación adicional a aportar: fotocopia DNI alumno, fotocopia DNI pai e nai, 2 fotos actuais)
2º ESO : (Apelidos de A-L ) : 2 de xullo || (Apelidos de M-Z) : 3 de xullo
(documentación adicional a aportar: fotocopia DNI alumno, 1 foto actual)
3º ESO e 3º ESO PDC : 1 de xullo ( A-G de 9:30 a 11:00 / H-P de 11:00 a 12:30 / Q-Z de 12:30 a 14:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
4º ESO e 4º ESO PDC: 27 de xuño ( A-F de 9:30 a 11:00 / G-O de 11:00 a 12:30 / P-Z de 12:30 a 14:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
1º BAC : 28 de xuño ( A-G de 10:00 a 11:00 / H-R de 11:00 a 12:00 / S-Z de 12:00 a 13:00
(documentación adicional a aportar: fotocopia DNI alumno, 2 fotos actuais, resgardo do abono do seguro escolar)
2º BAC : 26 de xuño ( A-G de 10:00 a 11:00 / H-R de 11:00 a 12:00 / S-Z de 12:00 a 13:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
SOBRES DE MATRÍCULA
Os sobres están dispoñibles en conserxería. Aparte do impreso de matrícula inclúen o impreso para o pago do seguro escolar, e de ser necesario, impreso de inclusión en alerta escolar
Lembramos que o alumnado a partir de 3º ESO e ata os 28 anos de idade, ten que aboar o Seguro Escolar Obrigatorio (1,12 euros)
IMPRESOS DE MATRÍCULA A EFECTOS INFORMATIVOS
1º ESO
2º ESO
3º ESO
3º ESO (PDC)
4º ESO
4º ESO (PDC)
1º BAC CCTT
1º BAC HHCCSS
2º BAC CCTT
2º BAC HHCCSS
