blog_igualdade

Premio Mulleres VdM

Dom, 07/04/2024 - 23:00

Dentro da programación, do Equipo de Igualdade, para conmemorar o 8M quedou instaurado o Premio Mulleres VdM co fin de darlle visibilidade ao traballo da muller na sociedade, recoñecendo a aquelas que tiveran vinculación co centro.
Nesta primeira edición o galardón foi para Rosita Paz, quen exerceu de conserxe do centro durante 45 anos. A conserxería do centro levará a partires deste día o seu nome.
Ademais o alumnado de proxecto competencial de 1º ESO, entrevistou á premiada na emisora no centro "Radio Tapal" (se queredes escoitar a entrevista facer clic)
nova da entrega na prensa.1
nova da entrega na prensa.2

Formámonos en Ciberigualdade

Mar, 19/03/2024 - 20:38

O pasado venres 15 de marzo, catro alumnos de 4º ESO impartíronlle ao alumnado de 1º ESO unha charla formativa sobre os riscos que pode ocasionar un uso inapropiado das novas tecnoloxías.

Juan, Lover, Marcos e Manuel prepararon unha sesión sobre algúns dos problemas máis frecuentes asociado aos móbiles: a sextorsión ou chantaxe coa ameaza de divulgar fotos ou vídeos de contido sexual. A través dunha presentación, de material audiovisual e de exemplos coñecidos e publicados na prensa, explicaron en que consiste, cales poden ser as consecuencias, como se podería evitar e remataron dando unha serie de consellos para facer un uso responsable e seguro das novas tecnoloxías.

O alumnado de 1º ESO mostrouse moi interesado e moi participativo, comentando outros casos coñecidos e facendo preguntas ben acaídas.