Polos creativos

O alumnado de Tecnoloxía de 4º ESO estivo estes días facendo rótulos para os obxectos expostos na vitrina da entrada principal. Fixeron os deseños no ordenador e graváronos en madeira usando a cortadora láser do Polo Creativo. O traballo aínda non está rematado, pero xa se poden ver algúns resultados.

O profesor Carlos Galbán, do departamento de Xeografía e Historia, realizou unha interesantísima actividade co seu alumnado de 2º ESO. A partir de fotografías tomadas a algunhas das laudas gremiais expostas na Igrexa de Santa María a Nova, crearon modelos tridimensionais cun programa informático. E con estes modelos tridimensionais conseguiron crear réplicas a escala desas laudas usando a impresora 3D do Polo. Parabéns polo traballo realizado!

Pincha na imaxe para ver máis.

Con motivo da celebración do Día das Letras Galegas, que este ano está dedicado a Luísa Villalta, fixéronse algúns deseños conmemorativos con algunhas das máquinas do Polo Creativo: impresión 3D, corte láser e plóter de corte. Lembrade que tedes á vosa disposición as instalacións do Polo para materializar as vosas ideas.