Skip to Content

Reunión inicial do Comité de coordinación de eCO2Rivers.

Mar, 12/11/2024 - 19:21

O pasado luns 11 de novembro fomos os anfitrións da primeira reunión do Comité de coordinación do proxecto Erasmus+ de innovación educativa “Cambio climático entre os ríos e humidais do SW europeo (eCO 2 Rivers)”. Nesa reunión participaron as direccións e os coordinadores Erasmus+ das catro instucions de Portugal e España integradas neste proxecto europeo. Nela qudaron acordadas as datas das mobilidades de Galicia (do 24 ao 28 de marzo de 2025) de Aveiro (do 30 de agosto ao 3 de setembro de 2025) e de Coimbra – Lisboa (do 4 de setembro ao 7 de setembro).
Quedou pendente para decidir na reunión intermedia de Madrid que se celebrará en novembro de 2025 a mobilidade madrileña. Tamén se analizaron os escenarios e contidos a recoller nos capítulos do documental que se gravarán en cada unha das catro mobilidades.
Pódese ver a información do proxecto dente este enlace ao portal da Comisión Europea: https://erasmus-plus.ec.europa.eu/projects/search/details/2024-1-ES01-KA210-SCH-000247003

 

Apúntate a “Cinco climas entre os ríos e os barrancos do cambio climático”

Lun, 11/11/2024 - 19:50

O proxecto que coordinamos dende o IES Virxe do Mar de Noia, obtivo a máxima puntuación de España na Resolución da Secretaría de Estado de Educación pola que se conceden axudas destinadas a promover agrupacións de centros educativos para a realización e posta en práctica de proxectos comúns de innovación educativa. O proxecto financiado polo Ministerio de Educación céntrase nos impactos do cambio climático no conxunto da rede hidrográfica española, integrando nela tambien os barrancos. Nel colaboraremos con estudantes andaluces, valencianos, madrileños e cántabros para elaborar un documental no risco que o cambio climático introduce no conxunto dos ríos españois e na rede peninsular de barrancos. Mantemos os 4 IES socios de https://4climas.org/ e incorporamos como 5º IES o IES Lope de Vega de Madrid.
Anímate a ampliar o noso equipo de estudantes para participar na selección do equipo que vai a ir a facer o documental empezando polo Guadalquivir dende o seu nacementos ata a desembocadura en Doñana. Recollemos candidaturas dende aquí: https://forms.gle/nVL4Cd6rLj9FuMuU8

 

Acondicionando a nova Aula de Mediación

Lun, 04/11/2024 - 12:58

O equipo de Mediación do IES Virxe do Mar estivo estes días no POLO CREATIVO deseñando e fabricando o rótulo para o seu novo espazo, ademais dalgún que outro elemento decorativo. Escolleron a tipografía, dimensións, materiais e acabado. Fixeron o deseño en Inkscape e utilizaron cartón reciclado para crear o seu rótulo. Como podedes ver nas imaxes, o resultado final foi excelente.

Aplicación Orientaline

Mar, 22/10/2024 - 19:41

Dende o centro queremos presentarvos a ferramenta de orientación académica e profesional coa que contamos este curso chamada "Orientaline"

Esta aplicación facilita información sobre a ESO, as modalidades de bacharelato, a oferta dos ciclos de FP e graos universitarios.

Ademais diso, tendes á vosa disposición cuestionarios de autocoñecemento que podedes cubrir en liña para fundamentar mellor a vosa toma de decisións vocacionais. Son anónimos, gratuítos e de fácil uso.

Se pinchades na ligazón Orientaline da barra lateral, poderedes acceder a aplicación dende os vosos móbiles, tabletas ou ordenadores.

Se tendes dúbidas ou precisades máis información podedes achegarvos a falar coa orientadora. Agardamos que vos sexa de utilidade!

Exames pendentes: Matemáticas e Física-Química

Lun, 21/10/2024 - 18:59

AVISO

IMPORTANTE

  

As datas dos exames para o alumnado que teña pendentes as materias de FÍSICA-QUÍMICA ou  MATEMÁTICAS son as seguintes

FÍSICA-QUÍMICA: 14-11-24 e 30-1-25

MATEMÁTICAS: 21-11-24 e 6-2-25

arquivo para descargar 
     

Novidades na Biblio

Ven, 18/10/2024 - 09:05

Xa están dispoñibles na nosa biblioteca os últimos títulos en galego e castelán!

Temos unha ampla variedade de opcións para todos os gustos: desde cómics cheos de aventura e humor, ata novelas que te atraparán coas súas historias. Non faltan tampouco os libros de poesía, perfectos para quen goza das palabras coidadas e emocionantes.

Non deixes de pasarte pola biblioteca e descubre estas novas incorporacións.

Ler é un pracer que está ao teu alcance!

Que che parece?

Distribuir contido


by Dr. Radut