TRABALLOS MONOGRÁFICOS

Orientación

p { margin-bottom: 0.25cm; line-height: 120%; }

TRABALLOS MONOGRÁFICOS:

Á hora de elaborar un traballo, segue estas fases:

Localiza a información e selecciona o material axeitado:

Fíxate no que o profesor/a che pide que elabores. Anota os puntos máis

importantes sobre os que vai tratar o traballo. A continuación revisa a bibliografía e webgrafía que che facilitaron e busca outros medios (apuntes, xornais, revistas, etc.) que che poidan achegar máis información.

Estrutura o traballo:

Tes que facer un guión ou esquema no que aparezan os distintos apartados claves dos que vai constar o traballo.

A redacción:

Tendo como referencia o guión ou esquema, debes redactar o primeiro borrador, deixando marxe para a súa corrección. Unha vez reestruturado o tema, faise a redacción definitiva:

Evita as faltas de ortografía (se é preciso utiliza o diccionario ou corrector ortográfico)
Utiliza frases sinxelas, curtas e de fácil comprensión.
Para non repetir a mesma palabra utiliza sinónimos.
Para facer máis comprensible o texto utiliza debuxos, mapas,etc.

A presentación:

Debes seguir estas pautas:

Selecciona o papel que vas utilizar. O máis axeitado é o DIN-A-4.
As páxinas deben estar numeradas na parte inferior de cada folio.
Se o escribes no ordenador o interliñado debe ser de 1.5 liñas. Se o fas a man, cuida ao máximo a letra, sen borróns nin tachóns. Se está feito no ordenador vixía os erros de teclado,p.ex: palabras xuntas,letras omitidas...
En traballos de máis dunha folla, na primeira páxina fai unha portada onde apareza en letra grande e no centro o título do traballo e o teu nome e apelidos e curso, a tamaño normal (12 ou 14), na parte inferior.
Na segunda páxina figurará o índice, nel sinalarase a páxina onde comeza cada apartado.Cando só é un traballo dunha folla escribe o título do traballo e o teu nome e apelidos na parte superior.
Debes deixar as marxes axeitadas nos catro lados da folla.
Destaca os títulos de cada capítulo ou apartado (con maiúsculas, subliñando, recadrando…)
Os gráficos, esquemas, ilustracións, que se utilicen deben servir para destacar e aclarar as ideas básicas do traballo.
Se o traballo ocupa máis de dous folios hai que presentalo grampado ou suxeito cun clip.
Evita as faltas de ortografía: utiliza os correctores ortográficos.
Na derradeira páxina fai constar a bibliografía que utilizaches.

Exemplo: PALLARÉS,E. (2014). Mellora o teu xeito de estudar. Madrid. Santillana.