EXCURSIÓN AOS XACEMENTOS DE ATAPUERCA E MUSEO DA EVOLUCIÓN EN BURGOS

Os días 3, 4 e 5 de decembro de 2014, o departamento de Bioloxía e Xeoloxía organizou por segundo ano a visita aos xacementos aqueolóxicos de Atapuerca e ao Museo da Evolución Humana en Burgos. Nesta ocasión participaron 16 alumnos e alumnas de bacharelato.

O primeiro día, visitamos a cidade de Burgos e coñecimos os seus principais monumentos e a súa historia mediate un divertido xogo de pistas.

Ao dia seguinte, fixemos unha interesante visita guiada aos xacementos de Atapuerca, o lugar con maior número de restos fósiles de homínidos do mundo, e posteriormente visitamos a Aldea Prehistórica e viaxamos coa imaxinación a través de dous millóns de anos de desenvolvemento tecnolóxico da humanidade. Alí, os alumnos participaron en diferentes actividades lúdicas sobre a fabricación de ferramentas, a pintura rupestre e a caza. Ese mesmo día pero pola tarde, fixemos unha visita guiada ao Museo da Evolución Humana na cidade de Burgos, donde aprendimos un pouco máis sobre a orixe e a evolución dos homínidos e tivemos a oportunidade de observar algúns dos restos fósiles máis importantes atopados nos xacementos, posto que este Museo e o único que expón as pezas orixinais, en lugar de réplicas. Ademáis, tivemos a sorte de coñecer persoalmente a un dos directores científicos do xacemento, Juan Luis Arsuaga, con quen fixemos unha foto.

Na viaxe de regreso, fixemos unha parada para visitar a Cova de Valporquero, na provincia de León, donde participamos nunha visita guiada na que puidemos apreciar as impresionantes formacións kársticas que alí se formaron durante millóns de anos.