Se queres ver o resultado dunha labor de moitos meses de traballo, CLICA AQUÍ

Para ver todo o traballo previo de investigación, CLICA AQUÍ

Na semana das letras galegas, inauguramos o campo de bolos celtas no instituto, grazas a colaboración de distintas institucións e persoas. O concello, a federación galega de bolo tradicional, clubes como o clube de bolos do Ceán, Roberto xogador e pai de dúas alumnas do centro, o instituto e moitos máis que fixeron este momento posible.

Se queres ver máis fotos dese día CLICA AQUÍ

Publicouse a noticia en prensa. Se queres podes lela. AQUÍ

O catorce de abril recibimos ao alumnado de 6º de Educación Primaria dos CEIP Humberto Juanes e CEIP da Cruz-Camos. Nesta xornada aparte de visitar as instalacións e de participar en varias actividades nos laboratorios, na biblioteca, no ximnasio... realizamos distintos xogos cooperativos que queremos repetir no mes de setembro.

O obxectivo deste programa é fomentar o nivel de actividade física no tempo de recreo, e crear un espazo social de convivencia positiva.

Algunhas das actividades que se levaron e levan a cabo son as seguintes:

Organización de responsables de patio, que permitan un sistema de empréstito de material nos recreos e que axuden a organizar os distintos torneos.

Fixéronse torneos de baloncesto, tenis de mesa, fútbol...

Entregáronse premios

Foto dos gañadores

O alumnado fixo unha campaña de son, investigando e compartindo o aprendido, cos demáis, a través de cartaces, onde volcaron información moi importante, respecto ao número de decibelios aos que estamos sometidos, en distintos espazos e momentos, da vida no instituto.

Reforzouse a estrutura do teito do invernadeiro. E durante todo o curso estiveron realizándose actividades de preparación da terra, sementar, aboar, aprender sobre rotación nos cultivos, ... para obter neste fin de curso os resultados.

Tres compoñentes do grupo que participa no proxecto de convivencia iniciado este ano, dentro do contrato programa, asistimos ao curso "2016 o reto do acoso escolar" organizado pola Fundación Barrié e a asociación Arela.

O profesorado tamén está en formación permanente, ante os novos retos que se nos presentan.

Grazas á colaboración do concello, e a Isidro o presidente da federación de Bolos Celtas, estamos moi próximos a poder facer realidade este proxecto, incardinado no contrato programa, aprobado pola Xunta de Galicia.

    O alumno de 1º de bacharelato, Iago Aballe presentounos o documental titulado: Asperger: unha síndrome descoñecida. Con él pretendía informarnos e achegarnos as realidades e as vivencias de todos os que padecen esta síndrome e as estratexias que podemos realizar para facerlle unha vida máis agradable.

Ricardo e Begoña, propietarios da empresa familiar Horta do Val, adicada ao cultivo e  elaboración de produtos respectuosos co medio ambiente visitáronnos para darnos unha serie de ideas e  suxestións sobre  como coidar o noso horto escolar.