Na festa do entroido parte do alumnado bailou unha difícil pero xeitosa e vistosa, roda cubana. Parabéns para os participantes. Se queredes ver cómo saiu clicade na imaxe ou AQUÍ

O mércores 24 achegámonos ao ximnasio Be One en  Sabarís, para ter unha experiencia diferente de adestramento, onde a consigna era, "hai que subir as pulsacións imos a facer un circuito metabólico". Coma sempre o alumnado se implicou ao máximo. As actividades realizadas foron Padel e circuito heroican.

Agradecer ao persoal e a xerencia do ximnasio a súa xenerosidade ao abrirnos as portas da súa instalación. E a ANPA por axudarnos na financiación dos bus. 

CLICA NA FOTO  para ver cómo aconteceu a xornada.

Os alumnos Pedro, Myka, Daniel e Antón disfrutaron dun adestramento de alto nivel coa agrupación deportiva Vincios, por seren os gañadores do torneo de tenis de mesa dos recreos. Este clube ten un equipo que participa en Super División ( a máxima categoría a nivel nacional). Que por certo o venres 26 teñen competición en Gondomar, por si queredes achegarvos e disfrutar deste deporte.

Sobre todo queremos agradecer a Anxo, Héctor e Pablo Casal o seu altruismo, e que se volcaran tanto cos nosos rapaces. Foi unha xornada intensa, fixeron unha primeira parte de adestramento de moita técnica, e unha segunda parte de condición física específica deste deporte.

Un día para lembrar. O obxectivo entre outros é ofrecer novas posibilidades de ocupación activa do tempo de ocio, visibilizar un deporte minoritario, e continuar fomentando un patio activo e saudable.

Este ano continuamos dándolle pulo, a este espazo social que é o patio, realizando microintervencións que cambien e potencien a actividade física, a interacción social e a convivencia positiva. Entre as actividades que se foron realizando ata agora destacamos as seguintes.

Torneos no recreo: de tenis de mesa e fútbol. Resaltando que este ano un grupo de chicas valientes formaron un equipo de fútbol e aí están dándoo todo nos torneos do recreo. 

Asemade colocouse unha fonte e unha barandilla que crean un espazo novo no patio.

Como en anos anteriores o torneo de mesa ten moita aceptación e os finalistas foron premiados cun adestramento no clube de tenis de mesa Vincios, que teñen equipo en Super División, a competición máis importante a nivel nacional deste deporte.

O Instituto participa na campaña promovida polo concello de Nigrán "Espazo libre de violencias machistas", que prentende concienciar sobre a lacra social que supón a violencia de xénero.

Se clicas na imaxe, poderás observar o noso traballo, a través dunha coreografía reivindicativa, na que o que pretendemos é expresar o noso rexeitamento, e berrar aos catro ventos a palabra respecto.

Esta semana foi unha semana intensa. O venres 10 de novembro celebrouse o magosto no centro, coma en anos anteriores, impulsado e organizado polo departamento de dinamización lingüística.

O alumnado de 4º da ESO e de 1º Bacharelato, axudou no desenvolvemento dos distintos xogos populares que voltaron a encher o patio de tradición e disfrute. Asemade o alumnado de 4º tamén asou as castañas e ofrecía a papatoria da xornada, buscando empezar a financiar a súa viaxe de fin de etapa.

O profesorado implicouse como en outras ocasións,para levar a cabo esta actividade de centro. Actividades que son fundamentais na vida diaria, pois son as que encolan e das que se aprende moito, desde outro prisma, do instituto.

Gustaríanos adicar unha mención especial, ao alumnado encargado da organización deste ano, pois o fixo especialmente ben. Foi unha xornada moi participativa, lúdica e didáctica.

O luns 6 de novembro, realizouse unha xornada de xogos cooperativos entre o alumnado de 3º da ESO e 1º da ESO, co obxectivo de cohesionar ao alumnado que participa no programa TEI (titoría entre iguais).

Parabéns e agradecementos para : o alumnado de 3º da ESO que ensinou os xogos cooperativos moi cariñosa e profesionalmente, á colaboración do profesorado que fixo posible esta actividade  e á ANPA co apoio económico realizado, para poder mercar o paracaídas co que se fixeron algúns dos xogos.

Para que opinedes se o obxectivo se conseguiu, achegámosvos un enlace ao vídeo da actividade, e ao álbum de fotos.

Se clicas nesta imaxe poderás ver as FOTOS.

A continuación se clicas na imaxe, poderás ver o VÍDEO.

Nos arquivos adxuntos atoparás a teoría das clases, e as fichas que te farán falta para realizar os traballos solicitados.

O día do exame terás que entregar correctamente cubertas a ficha dos test de condición física e a ficha dos baremos.

O xoves 28 de setembro, dirixímonos a Patos camiñando desde o instituto, o alumnado de 4º da ESO e as alumnas alemanas. Foi unha xornada, onde disfrutamos dunha modalidade deportiva coma o surf, pola que moitos turistas se achegan ao noso concello. E curiosamente, para moitos dos alumnos era a primeira experiencia coas ondas e a táboa de surf.

As fotos amosan o gran aproveitamento deste día. CLICA NA IMAXE, para ver fotos e vídeos deste día.

O instituto organiza desde hai anos un intercambio cun instituto de Friburgo, e entre outras moitas actividades, este martes 26 de setembro, realizouse unha xornada de bolos celtas, coas 24 alumnas alemanas, que visitaron o noso centro durante estes días .

Pareceunos oportuno, dar a coñecer o noso patrimonio cultural inmaterial. Neste caso a través dos bolos celtas. Pois, sabías que a súa orixe, non é celta? 

Temos un nexo de unión entre Alemania e Galicia, neste deporte popular. Pois a teoría máis aceptada sobre a súa orixe, é que procede dun rito relixioso alemán do século IV, denominado Heidenwerfen (Heide significa ateo en alemán).

Neste século os gemanos levaban un pau chamado Kegel, que tiña forma cónica e que utilizaban como utensilio para o traballo e para defenderse.