NOVAS:

Mañá, venres, imos conmemorar un ano máis o Día contra a Violencia contra a Muller e -engadimos- contra os nenos e nenas das familias desas mulleres.

Despois de traballar nas titorías e en distintas clases, culminamos os actos deste día cunha representación de música e danza de alumnado de 4º ESO e 1º de Bach que terá lugar no SALÓN DE ACTOS no 1º recreo.

Durante toda a mañá poderemos ver o vídeo coas mensaxes do noso alumnado no recibidor do centro.

Ao término do 2º recreo, poderemos sentirnos a PEPA da historia que conta a socióloga Carmen Ruíz Repullo e decidir por onde queremos subir as escaleiras e cales son as consecuencias da nosa escolla.

Fai dous anos comezamos unha andaina co deporte de Orientación a pé como quen non quería a cousa e, devagar, chegamos a clasificarnos para participar no CECEO´18.

O noso alumnado participou no Campionato Provincial, clasificándose para o Campionato Galego e nesta importante proba o equipo INFANTIL MASCULINO conseguiu seleccionarse para o CAMPIONATO DE ESPAÑA DE CENTROS ESCOLARES -representando a Galicia nesa categoría- que terá lugar en A Coruña do 1 ao 4 de novembro.

O equipo que vai representar ao noso centro está composto polos fantásticos alumnos:

Toca traballar para preparar a nosa participación e divertirse cunha experiencia deportiva e de convivencia con outros centros buscando balizas polas distintas zonas da cidade de A Coruña.

Os nosos parabéns a todo alumnado participante nos distintos campionatos e unha orgullosa NORABOA! a este equipo que se clasificou.

Aínda non sabes o que aconteceu con Aurelio e Joana?

Entra na web e coñecerás todo sobre O MISTERIO DO CASTRO.