Comunicámoslle que o vindeiro venres 21 de decembro a xornada escolar rematará ás 13:15, tendo os usuarios de transporte escolar de Mombus dito servizo a esta mesma hora e os de Lázara ás 14:00 horas. A volta ás clases despois das vacacións de Nadal será o martes 8 de xaneiro de 2019.
Aproveitamos tamén, para desexarlle en nome de toda a Comunidade Educativa, un Bo Nadal e Feliz Ano 2019.
Premendo na foto de abaixo podedes descargar a Guía que nos axudará no desenvolvemento da viaxe a Lisboa. Nela figuran os barrios, lugares e monumentos que se visitarán así como unha breve reseña de cada un deles.
O alumnado que participa nesta actividade xa levou a Guía. Cómpre tela de man e lela porque, de volta das vacacións de Nadal, o Equipo docente encargado da Saída Didáctica a Lisboa preparará unha actividade baseada na información que se dá neste documento.
Mañá, venres, imos conmemorar un ano máis o Día contra a Violencia contra a Muller e -engadimos- contra os nenos e nenas das familias desas mulleres.
Despois de traballar nas titorías e en distintas clases, culminamos os actos deste día cunha representación de música e danza de alumnado de 4º ESO e 1º de Bach que terá lugar no SALÓN DE ACTOS no 1º recreo.
Durante toda a mañá poderemos ver o vídeo coas mensaxes do noso alumnado no recibidor do centro.
Ao término do 2º recreo, poderemos sentirnos a PEPA da historia que conta a socióloga Carmen Ruíz Repullo e decidir por onde queremos subir as escaleiras e cales son as consecuencias da nosa escolla.