NOVAS:

Publicada a convocatoria do Ministerio de Educación para a solicitude de diversos tipos de becas para o vindeiro curso.

A solicitude tramítase a través da Sede Electrónica do Ministerio.

Toda a información, AQUÍ.

A Consellería de Educación vén de confirmar a ampliación do Proxecto Edixgal para todos os cursos da ESO do IES San Paio, estendéndose tamén a 3º e 4º ESO.

Mediante este proxecto profesorado e alumnado pasarán a desenvolver a súa actividade educativa diaria nun entorno virtual de aprendizaxe. Porén, as materias que non están dentro do proxecto E-Dixgal seguirán empregando libros de texto. Podedes consultalos AQUÍ.

Como consecuencia desta nova, as solicitudes e concesións de Fondo Libros quedan anuladasl:

"Segundo o artigo 1 da ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22, o alumnado matriculado nos centros e cursos incluídos no proxecto educación dixital (E-DIXGAL) no curso 2021/22 está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquierir material escolar, así como ás establecidas nas disposicións adicionais primeira e segunda, se reúne os requisitos establecidos nesta orde." (toda a resolución, AQUÍ)

Ao inicio do curso, daremos a alumnado e familias toda a información necesaria a este respecto.

Parabéns á nosa alumna de 1º Bacharelato Paula Cabaleiro que, onte sábado 3 de xullo, logrou proclamarse campiona galega de 1500 metros lisos e tamén ao seu equipo, o Club Atletismo Tui. Polo logro e por toda a ilusión, traballo e afán de superación que hai detrás del. 

Mañá venres 25 entregaremos os boletíns de cualificacións ao alumnado nas súas aulas de grupo e nas horas indicadas.

O alumnado de 3º e 4º ESO beneficiario do préstamo de libros de Fondo Libros deberá devolvelos tras a entrega das notas

(salvo os das materias suspensas, que se devolverían en setembro)

O vindeiro martes 22 rematan as clases e o venres 25 as titoras/es procederán á entrega de boletíns. Ese día, no momento da entrega de cualificacións, o alumnado de 3º e 4º ESO que fose durante este curso beneficiario do préstamo de Fondo Libros, deberá traelos e devolvelos (excepto os das materias suspensas para setembro, que se recollerán nese mes). Lembramos que deben entregarse nas mellores condicións posibles e que darase ao alumnado un impreso para deixar constancia da correcta devolución.