Os titores/as están a entregar estes días ao seu alumnado un impreso para entregar ás familias, a modo de recordatorio das normas e consellos de uso dos equipos E-Dixgal cedidos. Pódese consultar dita nota informativa no arquivo que se xunta.

Naqueles casos nos que se indique que se detectou algún golpe ou rotura a reparar antes de que haxa que proceder á devolución do equipo (ao rematar a ESO), prégase ás familias a entrega do impreso debidamente cuberto e asinado por un dos responsables legais do alumno/a e que contacten canto antes co Servizo Premium para proceder á reparación.

Lémbrase que o alumnado de 4º ESO será chamado a devolver os equipos E-Dixgal (caixa, maletín, ordenador e adaptador de corrente) ao remate das clases (22 de xuño), en data que será comunicada proximamente.