Corre o vento, o río pasa.

Este é o verso proposto para a segunda rolda do Concurso Novas Follas e Cantares organizado polo Equipo de Dinamización Lingüística. O prazo de presentación dos microrrelatos, poemas breves ou ilustracións remata o venres 11 de marzo e, como na edición anterior, pódense entregar directamente ao profesorado de Lingua Galega ou na urna de conserxaría. Recórdase que as entregas deben facerse en sobre pechado co nome e apelidos, curso e título da obra.

Anímate e participa!