CONCURSO DE MICRORRELATOS, POEMAS BREVES E ILUSTRACIÓNS
Fai clic AQUÍ para acceder ao PDF e ampliar
Esta semana, e ata a do día das Letras Galegas, propoñémosche un Concurso para poñer a proba a túa creatividade. Chamámolo "Novas Follas e Cantares" e nel poderás participar con MICRORRELATOS, con POEMAS BREVES ou con ILUSTRACIÓNS (fotografía, debuxo, pintura...). Aquí está todo o que tes que saber para poder participar neste certame:
-
Para quen? Para alumnado da ESO (de 1º a 4º, incluídos). Cando empeza? Este mércores 24 de febreiro (día do nacemento de Rosalía de Castro).
- Cando remata? O luns 17 de maio (día das Letras Galegas).
-
Como funciona? Haberá sucesivas roldas nas que se publicará (no Instagram e na pantalla e taboleiro do recibidor), un verso diferente de Rosalía de Castro. Así, a primeira quenda comezará este mércores 24 (día no que publicaremos o verso) e rematará o venres 12 de marzo, ás 14.25 h., podendo participar así nas 3 modalidades:
- Microrrelatos: textos en galego, que deberán incluír o verso proposto e non poderán superar as 200 palabras.
- Poemas breves: textos en galego, que deberán conter o verso proposto, e terán entre 4 e 6 versos.
- Ilustracións: fotografía, debuxo, pintura, etc. sempre orixinal e inspirado no verso proposto.
-
Como entregar? En sobre pechado, na urna dispoñible en Conserxería ou en man ao profesorado de Galego. Tanto no sobre (anverso) como no texto (pé de páxina) ou ilustración (anverso) deberá escribirse:
- nome e apelidos do autor/a
- curso
- título da obra
-
Premios: haberá premios por cada rolda e, sobre todo, premios finais. Así, o gañador/a de cada modalidade recibirá:
- Por cada rolda: un Vale por bocata e bebida para a cafetería do centro
- Premios finais: un Vale de 50 euros para gastar no comercio local.
- Resolucións do xurado: os premios de cada rolda resolveranse antes de publicar a seguinte; e os premios finais durante a Semana das Letras Galegas.
| Adxunto | Tamaño |
|---|---|
| Cartel Microrrelatos definitivo.pdf | 468.75 KB |
