O vindeiro XOVES 1 DE OUTUBRO, durante a mañá, o alumnado beneficiario de Fondo Libros para este curso, será chamado por orde para serlle entregados os libros de texto correspondentes. Será en horario lectivo, en quendas ordeadas por grupos e directamente ao alumnado, que recibirá ademais un impreso cos detalles da entrega para que poida entregalo na casa. 

Solicitamos que o alumnado escriba na garda interior do libro (reverso da portada) o seu nome completo e o grupo ao que pertence, para poder saber, en caso de extravío, a quen lle fora entregado. E lembramos que os libros deben coidarse e devolverse ao remate do curso, na data e forma que se establezan.