Durante dúas semanas o primeiro recreo e a Biblioteca foron un tempo e un espazo máxicos, reservados ás contadas de Samaín. Medio cento de alumnos e alumnas pasaron pola Biblio a contar os seus relatos, e ata houbo lugar á improvisación e a contos que non estaban preparados de antemán.

De xeito individual ou en grupo, alumnado de 1º e 2º ESO tivo o seu momento para divertir ao fantástico público que un día detrás doutro encheu a bilbioteca.

Difícil foi a escolla dos relatos gañadores pero como a alguén lle ten que tocar, o xurado se decantou por:

1º ESO INDIVIDUAL: Álex Troncoso
1º ESO GRUPO: Lucía Díaz, Andrea Ribeiro e Noa de la Calle
Finalista: Lucía González Gayoso

2º ESO INDIVIDUAL: Nadia Puime
2º ESO GRUPO: Alba Estévez e Andrea Piñeiro
2º ESO Finalista: Mary Pregal e Olalla Rodríguez Acuña

PREMIO HORRORÍFICO á persoa máis entregada, constante e divertida que nos fixo pasalo de medo: David Carrera, de 2º ESO.

E como sempre, agradecendo o bo ambiente e o valor do alumnado que pasou polo noso terrorífico escenario, obsequiamos tamén a todxs xs participantes cun vale para un bocata na nosa cafetería.

Na Biblio están felices coa actividade desenvolvida e xa teñen posta toda a ilusión na seguinte… en breve a faremos pública!