Seguimos levando o nome do IES polo mundo! Se a semana pasada era Juan Pablo en Chipre, esta semana é Loli, a nosa profesora de Lingua Francesa, quen viaxou ata a cidade de Lyon. Alí pasará unha semana de formación en compaña de profesorado procedente de diferentes países, nun curso específico de Francés para docentes.

O San Paio participa no programa Erasmus+ da Unión Europea, a través dun equpo de traballo de varios profes; e faino cun proxecto propio ao que chamamos "Tendendo pontes".

Con el, preténdese axudar a mellorar as necesidades do noso centro: crear un proxecto europeo nacido de varios departamentos, potenciar a Eurocidade no ámbito educativo, implementar experiencias innovadoras, ou fomentar unha maior participación activa da comunidade educativa.

Se queredes coñecer de preto o proxecto e parte de todo o traballo que está facendo este equipo de profes polo noso IES, podedes velo directamente no seu blog "Tendendo pontes", clicando AQUÍ.

Bon voyage, Loli!