En Limassol, costa sur de Chipre, na outra punta do Mediterráneo, teremos ao longo desta semana ao noso profesor de Lingua e Literatura Castelá, Juan Pablo Valverde.

Juan Pablo forma parte do grupo de profesores que co proxecto chamado "Tendendo pontes", representan ao noso IES no programa Erasmus+, co que a UE trata de fomentar a oportunidade de formarse e adquirir experiencia no estranxeiro. Nesta ocasión, o título do curso é "International Education: the answer to diversity in the classroom". Podedes ver máis información sobre o proxecto e a viaxe no blog "Tendendo pontes", facendo clic AQUÍ. 

Mentres, como non todo vai ser estudar, tamén hai tempo para descubrir o patrimonio e a cultura chipriota: os teatros romanos, os bazares nas rúas, o porto ao Mediterráneo ou as diferentes igrexas ortodoxas... Unha gozada de viaxe. Agardamos que te coiden tan ben como mereces, e que a experiencia sexa unha delicia. Ánimo e ata pronto Juan Pablo!

 Tedes máis imaxes no noso Instagram, clicando AQUÍ.