Por fin! Estamos en Instagram, que seguramente é onde ti, que agora nos les, tamén estás. Facendo clic aquí, podes ir directamente!

Di o dito que unha imaxe vale máis que mil palabras, e se hai unha rede social que explote hoxe esa realidade, esa é Instagram. A NASA, o Museo do Prado ou a ONG Open Arms son exemplos de institucións que xa entenderon o potencial que esta rede pode ter, chegando alí onde, ás veces, non chega unha páxina web. Pero ese potencial medra máis aínda se o que queremos é conectar coa adolescencia, que ao fin e ao cabo é o noso público, aquel por e para o que traballamos (aínda que aquí o chamemos alumnado). E se a eles lles interesa, a nós, como o seu centro educativo e a referencia que queremos ser, tamén.

En Instagram, como veredes, publicaremos (ás veces en tempo real) as actividades, saídas, reunións, celebracións ou todo aquilo que acontece no noso IES e que nos parece que paga a pena compartir. Esperamos que vos agrade a idea e que vos resulte útil.

Velaquí unha captura de pantalla, pero advertimos: mola máis cando o ves desde o teu Instagram. Seguímonos!