Durante esta semana, todo o alumnado beneficiario de Fondo Libros recibirá os exemplares que lle foron adxudicados. Esta distribución estase a facer de xeito secuenciado e progresivo, en sesións diferentes, aproveitando sempre aquelas horas nas que un grupo está co seu titor ou titora. O vindeiro venres 27 de setembro o reparto estará finalizado para os grupos implicados, que son 2º, 3º e 4º ESO. Lembramos ás familias a necesidade de asinar o impreso entregado cos libros, para que o estudantado poida devolvelo ao titor na maior brevidade posible. Posteriormente recibirán unha copia para que poidan ter constancia dos libros entregados e a devolver cando o curso finalice.

Por outra parte, lembramos que durante o mércores 25 e xoves 26, ás 19.00 horas, terán lugar no IES as reunións dos titores/as coas nais e pais do seu alumnado. A distribución desas reunións é a seguinte:

• Mércores 25, ás 19.00 horas: todos os grupos de 1º, 2º e 3º ESO.
• Xoves 26, ás 19.00 horas: todos os grupos de 4º ESO (EXCEPTO 4º ESO D), así como os de 1º e 2º BAC (EXCEPTO 2º BAC A). As familias de 4º ESO D e 2º BAC A serán convocadas polos seus titores nos vindeiros días.

No recibidor do IES indicarase ás familias en que aula terá lugar a reunión de cada grupo. Agardámosvos!