Historia de España 2023-24. Prof. Humberto Martínez Gargamala

Potestade que tiña a monarquía española para nomear os cargos eclesiásticos de xeito que a xerarquía católica española aparecía subordinaba ao monarca. Esta atribución é defendida como unha regalía ou dereito absoluto real sobre a Igrexa. O Papa acepta esta potestade no Concordato de 1753. Este padroado rexio daba continuidade ao que xa viña dende os Reis Católicos e que colocaba ao monarca español por riba da autoridade papal á hora de nomear á xerarquía eclesiástica, o padroado universal.

Corrente intelectual, literaria e política xurdida a finais do século XIX e liderada por Joaquín Costa que denuncia o atraso e a corrupción da España da Restauración. Pretende unha renovación das estruturas sociais, políticas e económicas a través do seu lema “Despensa e escola” que sintetiza a idea de que a sociedade ten que ter as necesidades básicas cubertas e estar alfabetizada para aspirar a poder ter unha democracia madura e á altura das principais nacións de Europa.