Historia de España 2023-24. Prof. Humberto Martínez Gargamala

Durante o Paleolítico (2’5 millóns de anos ata 10.000 a.C.) o ser humano practica a caza e a recolección de froitos silvestres como forma de sustento. Isto obrigaba ás comunidades humanas a desprazarse detrás do alimento obrigando a unha residencia provisional nunha itinerancia ou  nomadismo que durará ata o Neolítico. Desta etapa chegan a nós os instrumentos da industria lítica que servían para a caza e a arte rupestre.

Tamén coñecido como encasillamento, era o proceso durante o sistema da quenda, base do modelo canovista, polo cal o Ministro de gobernación colocaba nas cuadriculas correspondentes a cada distrito electoral o nome dos candidatos do partido conservador ou liberal que o goberno podía permitir que saíran escollidos nas eleccións en aras de que a quenda electoral se cumprira e o partido do novo goberno tivera unha ampla maioría parlamentaria nas Cortes

Carta outorgada promulgada pola raíña rexente María Cristina de Borbón no nome da súa filla Isabel II, en 1834, durante o goberno de Maetínez de la Rosa, como concesión aos liberais moderados por apoiala no contexto da Primeira guerra carlista. Supón a implantación dun réxime a medio camiño entre o liberalismo doutrinario e o absolutismo que non contentou a ningún dos partidos liberais. Foi unha convocatoria a Cortes onde se contemplaba a creación de dúas cámaras (Próceres e Procuradores) a través dun sistema de elección moi restrinxida. No deseño destas Cortes tivo influencia o modelo político británico. 

Informe encargado ao xeneral Picasso para depurar as responsabilidades do Desastre de Annual. As conclusións do informe debían presentarse antes as Cortes, pero o pronunciamento de Primo de Rivera  impediuno. As súas conclusións indicaban casos graves de corrupción entre os mandos militares españoles en Marrocos, mala preparación das tropas e rumores de implicación de Afonso XIII no desastre. O golpe de Primo de Rivera aparece así como o único recurso que lle quedaba ao rei para evitar o desprestixio da monarquía.