Curso: IMAXINA ...

Xeral

Contraer todo Expandir todo

foro Imaxina

foro Crea

foro Medita

Suxestións didácticas

Para envío de comunicacións dirixidas só ás profesoras Tarefa

Tema 1

Imaxina ...

Ponte na situación de que alguén, querido por ti, morre.

Imaxina que sentirías e descríbeo.

Que che gustaría que fixera o teu mellor amigo ou amiga. Cóntao polo miúdo.

Pensa que comportamento che desagradaría que tiveran as persoas contigo neses primeiros momentos, e nas seguintes semanas e meses.

Comparte os teus pensamentos no FORO IMAXINA

Tema 2

Crea ...

Escribe 5 palabras que asocies á morte das persoas que máis che importan.

Escribe 4 palabras que asocies á túa morte.

Escribe 3 palabras que reflictan os teus sentimentos de seres inmortal.

Escribe 2 palabras que expresen o positivo da morte.

Escribe 1 palabra que identifiques coa morte.

Busca na rede imaxes procedentes das artes plásticas, pintura, escultura, fotografía, así coma sons, cancións ... que encaixen coa túa selección de palabras. Cantas? As que te apetezan.

Pon en común as túas palabras e achegas no F0RO CREA CHAT

Usando a WIKI reunide todas as palabras achegadas polo grupo, eliminando as repetidas e traducíndoas ao galego se fose necesario.

Tamén na WIKI, construíde unha composición literaria con todas esas palabras, por suposto engadindo outras que sexan necesarias.

Alguén deberá comezar cun primeiro intento e cada quen pode, copiando a que desexe, modificala para deixala ao seu gusto ou crear outra diferente.

Trátase de que finalmente cheguedes a un certo consenso sobre unha, ou en todo caso elixir un par delas.

Escollede de entre as imaxes e os sons que seleccionásedes os que mellor se axusten ao resultado final.

Traspasade o traballo á WEB para maquetalo, facer as ligazóns oportunas desde as palabras que consideredes clave ás imaxes e sons correspondentes e por último valorade a posibilidade de engadirlle un fondo musical.

Tema 3

Medita ...

A maneira de valorar a morte e a forma de relacionarse con ela varía dunhas épocas a outras e hai diferencias significativas entre sociedades dependendo do imaxinario colectivo, é dicir, da forma de representala e conceptualizala, na que interveñen as crenzas relixiosas, as concecións filosóficas, o nivel de coñecementos científico técnicos, as tradicións e as condicións materiais de vida dese pobo, por exemplo a escaseza de recursos, o índice de natalidade, a morbilidade ...

Cada persoa elabora con máis ou menos consciencia a súa imaxe da morte e o seu "proxecto de morrer" pero esta elaboración é indisociable do que arriba chamamos imaxinario colectivo.

A cada sociedade-momento correspóndelle un modo de ver a morte. Nós podemos sen máis tomar o modelo dominante, co que teña de positivo e de negativo, para facelo noso ou entrar de cheo na fabricación do imaxinario común construíndo conscientemente como actuar e interpretar a morte.

O que quero dicir sobre…