Poesía e premios no Río Cabe
“Poemdemia” é o título do poema co que a nosa compañeira do departamento de inglés, María Álvarez, se presentou ao concurso de poesía organizado pola Escola de Idiomas de Monforte para celebrar a semana das Letras Galegas e que resultou galardoado co primeiro premio.
Dende o centro queremos felicitar á nosa compañeira polo seu bo facer,e reiterarlle as felicitacións, xa que non é iste o único galardón que gañou no corto período de tempo que leva con nós, senón que acadou ademais o primeiro premio de Microrrelatos organizado por Nuria Mariño, do departamento de lingua española , co precioso relato “Abride as cancelas, que quero ver o río”.
Xa sabiamos que María é artista, que ademáis destaca en outras artes, como a música, e cada novo premio non fai máis que confirmárnolo.
NORABOA, María, polos ben merecidos premios!!
Desexamos que colleites moitos máis e que os veñas celebrar connosco, á túa casa.
A música de Poemdemia está composta polo guardés Bieito Álvarez; podedes escoitalo no seguinte enlace:
“Abride as Cancelas, que Quero Ver o Río”
Saía pola cancela do IES Río Cabe
Sen sospeitar o tempo que se había consumir sen voltar a ela.
Inocula literatura e chocolate na espera de novas benevolentes
No seu fogar errante, en Monforte de Lemos.
O calendario recordáballe que nunca entendeu os reloxos
día 26 de confinamento!
Sentiu a catarse do destempo
O anacronismo dun mundo que lle era familiar
Pero non recoñecía
Os aplausos daban as 20.00 H.
E devolvérona a casa
E fantaseou coas vidas das veciñas
E tamén quixo aplaudir
A todos aqueles que quedan fóra dos cadernos de bitácora.
Sorriu e bateu forte as mans.
