O noso centro participou no Certame de Regueifas organizado polo Concello de Vigo. Durante dúas semanas tivemos dous regueifeiros de excepción, Josiño da Teixeira e Lupe Blanco, que nos aprenderon a rimar e regueifar. E o pasado venres 18 fomos todos xuntos (alumnado de 1º da ESO e de FPB) ao CVC Valadares gozar do saber facer de todos os centros participantes. Nós tamén subimos ao escenario e demostramos o aprendido, nun ambiente de compañeirismo e alegría. Foi unha moi boa experiencia que esperamos repetir o ano próximo.