Pagamento de taxas para expedición de títulos académicos
Para a solicitude do título de:
- Bacharelato
- Ciclo medio
- Ciclo superior
Faise necesario o pago dunhas taxas que se pode realizar de maneira presencial o telematicamente.
PROCEDEMENTO
Unha vez rematados os estudos de Bacharelato, Ciclo Medio (incluída a FCT) ou Ciclo Superior (incluídos FCT e proxecto) hai que solicitar a expedición do título. Para iso hai que realizar o pago das taxas correspondentes.
MOI IMPORTANTE
- NON PAGAR AS TAXAS antes de asegurarvos que titulastes.
- A data de ingreso da taxa na entidade bancaria TEN QUE SER POSTERIOR á data da avaliación final.
O pago das taxas pode facerse de dúas formas:
PRESENCIALMENTE
Acudir á secretaría do centro e recoller o Impreso de autoliquidación de taxas, cumprimentalo e ir á entidade bancaria colaboradora para realizar o pago. Presentarase na secretaría xunto coa fotocopia do DNI (Se se aplica unha redución por familia numerosa, tamén hai que levar o libro de familia e unha fotocopia).
TELEMATICAMENTE
O pago debe facerse na Oficina Virtual da Axencia Tributaria de Galicia: https://ovt.atriga.gal/
Os pasos a seguir son:
- Cidadáns.
- Pago de taxas e prezos: iniciar taxa.
- Acceso libre ao servizo (cadeado aberto).
- Iniciar taxa.
- Introducir os datos da taxa (Pódese ver un exemplo ao final desta páxina).
- Continuar.
Unha vez feito o pago telemático, deberase retroceder ao apartado Cidadáns - Pago de taxas e prezos - Operacións realizadas e imprimir en PDF o modelo 730->731 para achegalo no formulario da solicitude do título, xunto coa fotocopia do DNI, coa fin de rexistrar o depósito do título.
IMPORTANTE. Indicar que unha vez feito o pago e antes da descarga do MODELO 730, a aplicación xerará un “RECIBO DO PAGO CON TARXETA”. En ningún caso este recibo será xustificante de pago de taxas para presentalo no centro. Cos datos deste recibo, terá que volver á aplicación e xerar o MODELO 730-> 731, que será o que se entregará.
TARIFAS VIXENTES (Tarifas oficiais 2023)
TÍTULO | TARIFA NORMAL |
TARIFA FAMILIA NUMEROSA (XERAL) |
TARIFA FAMILIA NUMEROSA (ESPECIAL) |
DUPLICADO |
Bacharelato | 54.00 € | 27.03 € | 0 € | 4.98 € |
Ciclo Medio | 22.07 € | 11.06 € | 0 € | 2.55 € |
Ciclo Superior | 54.00 € | 27.03 € | 0 € | 4.98 € |
.
Exemplo de como cubrir o impreso de autoliquidación de taxas.
.