Saída Celanova

O pasado 9 de abril o estudantado de 3eiro da ESO fixo unha visita didáctica á vila de Celanova. Esta foi organizada, en coordinación, entre o noso departamento e o de Música. As e os estudantes puideron coñecer unha vila fundamental para a historia da nosa literatura, por figuras tan importantes coma Curros Enríquez, Celso Emilio Ferreiro e Méndez Ferrín. A Casa dos Poetas, o mosteiro e IES ou Vilanova dos Infantes foron algúns dos lugares visitados. Foi unha xornada intensa e fermosa.