Extraescolares e complementarias

Rematamos o curso coa visita de Mily, filla do prezado escultor Eduardo Rodríguez Osorio, que foi profesor do Instituto Laboral dende  a súa creación en 1955 ata 1963.

Alumnos e alumnas do IES de Ribadeo Dionisio Gamallo, acompañados por Roberto Rodríguez e Susi Besteiro visitaron no Forte de San Damián, a exposición “Unha viaxe no tempo a través da Arte” de Eduardo Rodríguez Osorio.

O departamento de francés do centro, organizou este curso un intercambio co Lycée Laënnec de Pont L'Abbé no país galo grazas ao programa EduFrance da @xuntagalicia.
Alumnado de 4º de ESO e de 1º de Bacharelato de francés acompañados polas súas profesoras de francés, Ana Mauriz e Natalia Pérez puído visitar Paris e pasar unhas xornadas cos seus correspondants nesta zona da Bretaña francesa e incluso achegarse a coñecer Loctudy, a vila irmandada coa nosa de Ribadeo. A estancia do alumnado ribadense en Francia tivo unha duración de 7 días e desenvolveuse do luns 20 ó domingo 26 de maio.

VER VÍDEO

O último día do curso, o alumnado de 2º de ESO de Proxecto Competencial representou a obra teatral “A Enciclopedia Álvarez” dirixido pola súa profesora Mirian Bouso.
Descubrimos grandes talentos descoñecidos para nós os que haberá que seguir a pista porque chegarán moi lonxe. Unha grandísima experiencia tanto para os actores e actrices como para o público, alumnado, profesorado e familias que disfrutaron da actuación.
Como ben dixo a súa directora: Que viva o teatro!!

VER FOTOS

No patio do IES de Ribadeo Dionisio Gamallo, no día 21 de xuño, data de peche do curso escolar, no ámbito dunha forte articulación interdisciplinar, o alumnado de portugués tivo un momento de encontro compartindo momentos en conxunto.