Mércores 29 marzo: un xesto vale máis que 1000 palabras!!!! Hoxe por fin a nosa compañeira Eva fixo a visita prometida aos grupos de 1º BAC B e C para explicar a orixe, protagonistas e conceptos básicos da Lingua de signos. A recente creación no centro dunha aula de Educación Especial e unha aula de Audición e Linguaxe, engadiu varias especialistas coas que iniciamos este camiño de necesario coñecemento. A IGUALDADED e a INTEGRACIÓN son elementos fundamentais na nosa aprendizaxe e debemos poñermos en contacto coa realidade humana que nos rodea e as súas particularidades.
Aprender a convivir, a relacionarse,... inclúe tamén coñecer outras formas de expresión que nos permitan crecer como sociedade sen exclusións nin separacións. Consideramos que esta é unha boa forma de comezar...! Grazas Eva... esperamos a 2ª parte... e as seguintes!
Non podemos permitir que esta situación se manteña, non podemos deixar pasar ningún día sen reclamar igualdade, inclusión, paz,... debemos converter en consigna de vida a tolerancia, a cooperación e a convivencia pacífica. Vendo o que sucede ao noso redor, tanto no mundo lonxano como no máis cercano. Debemos impoñermos a tarefa de manter un espíritu de reivindicación, de xustiza e sobre todo de igualdade entre todos os seres humanos.
