Filosofía

(28/05) Entramos xa na última recta do curso para o alumnado de 2º BACH. Os finais sempre sorprenden, e este curso sen dúbida, será moi especial. Moitos alumnos e alumnas deixarán o centro logo de 6 anos polas nosas aulas. Demasiado tempo xa, e toca un cambio, subir un escalón na vida, cambiar de ambiente e de pre-ocupacións. Cada vez que pasa as circunstancias son distintas, e nos tempos que nos tocan, a incertidume é aínda máis grande.

Sexa como sexa os tempos son cumpridos e a propia natureza obriga ao cambio, así que.... sigamos preparándonos para ese cambio.... Hoxe teremos unha proba escrita, e como sempre teredes tempo para responder convenientemente, sen superar os tres folios, e coas normas estéticas de presentación que esiximos desde o principio, tamén coas esixencias de entrega telemática ás que xa nos estamos acostumando. É unha proba de recuperación para o alumnado que non superou estes temas, e unha proba de mellora para os/as que xa o tedes aprobado. O mundo faise cada vez máis grande e cada vez máis virtual, e iso non supón que estudiemos menos! 

A partires da semana que ven introduciremos a posibilidade de ensinanza presencial voluntaria para a ABAU, e retomaremos a supervisión do traballo do alumnado de 1º BACH e dos cursos da ESO onde a Filosofía ten presenza, aínda que só sexa testimonial.

Sorte a tods e verémonos nas debidas condicións....

#encasacoaFilosofía

70 Aniversario da declaración Schuman

(7/05/20) Este ano a celebración do Día de Europa ten unhas circunstancias especiais. Nunca tanto as relacións humanas víronse alteradas e restrinxidas coma nestes momentos. De non ser por internet estariamos completamente illados das realidades que se seguen a suceder no mundo e das posibilidades de crear e compartir unha solución a esta pandemia. Isto converte aos medios de comunicación nun fío decisivo á hora de tomar perspectiva coa nova realidade que nos toca vivir.

 Neste 9 de maio queremos facermos eco da proposta de Europe Direct Lugo para celebrar esta efeméride, a pesar da crise sanitaria que nos rodea, cos concertos de Rodrigo Cuevas e Laura LaMontagne & Pico Amperio, que poñen en valor o eido rural, a cultura folk e a música.

 Os concertos serán retransmitidos a través das redes sociais do concello de Lugo e de Europe-Direct Lugo, ás 12.30 do sábado 9 de maio, e poderemos asistir a eles nas seguintes canles:

Youtube: https://www.youtube.com/user/EuropeDirectLugo

 Facebook: https://www.facebook.com/europedirect.lugo

 Tamén o alumnado da materia Europa do IES Ribadeo Dionisio Gamallo quere contribuír a potenciar esta idea de unidade e de progreso dos pobos, coa lectura da declaración do, por aquel entonces, Ministro francés de Asuntos Exteriores Robert Schuman, que pronunciou un 9 de maio de 1950. Nesa declaración propuña a creación dunha Comunidade Europea do Carbón e do Aceiro. A CECA (formada na súa orixe por Francia, Alemaña Occidental, Italia, Países Baixos, Bélxica e Luxemburgo) foi a primeira dunha serie de institucións supranacionais que se converterían no que é hoxe a Unión Europea. Un resumo de tres minutos desta Historia da Unión Europea, elaborado por alumnado de cursos anteriores, podedes velo aquí:

https://youtu.be/Nw0JBRX17L8

Esperamos que estas conmemoracións potencien as ideas de progreso, paz e unidade que deben formar parte do camiño de futuro da nosa sociedade. É nestes momentos cando debemos ser plenamente responsables da nosa cidadanía universal e sentar as bases dunha necesaria reconstrución social.

EL PROGRESO

enlace La Voz de Galicia

enlace Cronica3.com

 #encasacoaFilosofía

(30 abril 2020) Entre as distintas asociacións coas que o departamento de Filosofía colabora durante o curso está ALDEAS INFANTILES SOS. Froito deste traballo conxunto foi a participación na reunión anual no 2017 como representantes de Galiza.

FOTOS IV Jornada Adolescentes Madrid

Crónica El Progreso

Crónica profesor Yáñez

Este curso a nosa colaboración terá que ser de forma virtual e queremos contar con todos vos para levar a cabo esta enquisa que podedes cubrir en 10 minutos.... O tema proposto se desenvolve no programa educativo Párate a pensar para Secundaria e trata sobre: Obxectivos para o Desenvolvemento Sostible.

Preme aquí para colaborar ENQUISA

Programa educativo Párate a pensar curso 2019-2020

 #encasacoaFilosofía

Veñen tempos de descanso, pero a nosa rutina seguirá a ser a mesma. Encontrarémonos no mesmo sitio e as mesmas horas. Hai tempo para todo, para estar coa familia, para relaxarmos, e tamén para manter a actividade cerebral. O noso traballo non ten rexas nin persianas, podemos deixalo en barbeito, revisalo, miralo ou profundar nel. Non hai mal ningún en manter unha disciplina e unha rutina. É máis, faise aínda máis prioritaria e necesaria esta actividade dadas as condicións do noso día a día.

Así que Ánimo, Forza, Constancia,... e todas as virtudes que nos convirten en seres humanos. Estamos con vos!

Luns 30 de marzo, 2020

A Xunta acaba de habilitar una plataforma de videoconferencia en CISCO WEBEX. Desta forma, unha vez que o profesorado estea rexistrado (coma no noso caso) deberá comunicar ao ALUMNADO os pasos a seguir. E eses pasos son sinxelos e son os seguintes:

1. Conectarse a un navegador de internet, e poñer a dirección (URL) e os datos da reunión.* En Windows, preferiblemente cos navegadores Chrome ou Firefox, a través dun cliente que o navegador instala no equipo, e que comeza ao premer "Iniciar una reunión" ou ao acceder diretamente a dito cliente.

2. Se queredes conectarvos con móbiles ou tabletas con S.O. Android ou IOS hai que instalar a app Webex Meet.

 *Que cales son eses datos?? O profesor/a comparte co seu alumnado os datos de acceso, a saber, dirección da sala (URL) - Identificador de acceso), para que poidan entrar na sala.

E xa está! non se precisa de máis. Non hai que descargar nada (que tamén poderíades facelo). Esta é a mellor forma e evita problemas doutro tipo.

PROBLEMAS:

Como todas as novas tecnoloxías, as conexións e a transmisión de datos son elementos indispensables, e tal vez moitos suframos retardos e/ou cortes. Por esta razón, seguiremos coa FILOSOFÍA DE CHAT, e escribiremos as nosas preguntas no chat diario  (agás mércores e fins de semana) que xa temos asimilado. Ademais, para os/as que teñades problemas tamén con estas plataformas, sabedes que resolvemos dúbidas polo correo, polo teléfono ou polo guasap,... Calquera medio que permita a comunicación e a aprendizaxe. Estamos contigo! (un vello slogan que volve a estar de moda).

Que a FILOSOFÍA os acompañe.