Blogues

O venres 29 e o sábado 30 de novembro tivo lugar a I Sesión Autonómica Modelo de Parlamento Europeo en Santiago de Compostela. O noso alumnado participou nestas xornadas aportando a súa visión sobre 4 temas de actualidade de política europea.

A xornada do venres transcurriu integramente no Colexio Peleteiro; alí, o alumnado tivo as reunións por comisións nas que debateron os temas propostos nesta convocatoria, e a partires das 18:30 cada grupo reuniuse co seu profesorado para preparar as estratexias na sesión final que tivo lugar no Parlamento de Galicia.

• El papel de la UE frente al cambio climático. Defendido pola alumna LUCÍA FERNÁNDEZ LÓPEZ
• Estrategias de la UE ante el envejecimiento demográfico. Defendido pola alumna VIOLETA CARRERO ISLA.
• Las bitcoin y la ingeniería económica. Criptomonedas o tecnología blockchain. Defendido polo alumno JUAN MANUEL VEGA VÁSQUEZ.
• La trata de seres humanos. Defendido pola alumna CLAUDIA VILLAPOL DUARTE.

A clausura estivo presidida pola secretaria da Mesa do Parlamento dona Raquel Arias Rodríguez, que xunto ao presidente do Board MEP España don Ramón Rodríguez Magán, ao director do colexio Peleteiro don Luis Peleteiro Ramos e ao profesorado seleccionado, despediron unha xornada repleta de debate, propostas e consenso democrático.

Podedes ler a noticia en Cronica3.com, La Voz de Galicia (30-11-19) e en La Voz de Galicia (1-12-19).

Máis FOTOS

Os vindeiros 29 e 30 de novembro, 3 alumnas e un alumno de 1º BACH da materia EUROPA, participarán en Santiago na I Sesión Autonómica do Modelo de Parlamento Europeo, que reunirá a xoves de Galicia, Asturias e Cantabria.

A xornada do venres, que transcurrirá integramente no Colexio Peleteiro, o alumnado terá as reunións por comisións nas que debaterán os temas propostos nesta convocatoria: 

• El papel de la UE frente al cambio climático.

• Estrategias de la UE ante el envejecimiento demográfico.

• Las bitcoin y la ingeniería económica. Criptomonedas o tecnología blockchain.

• La trata de seres humanos

En torno ás 19:30 cada grupo reunirase co seu profesorado para preparar as estratexias na sesión final que celebraremos no Parlamento de Galicia.

O horario da xornada do sábado está pendente de confirmación por parte do Parlamento. Non obstante, a chegada dos participantes comenzaría as 8:30 e a apertura da sesión sería as  9. A asemblea remataría as 13:30 cun cóctel de despedida.

Para a Asemblea Xeral no Parlamento e dada a importancia e transcendencia do acto que pechará o presidente do Parlamento Miguel Santalices, cursaron invitación á Directora do centro.

Creouse un espazo na biblioteca do Centro sobre temas relacionados con Europa.

A idea dunha Europa común é a que anima una serie de actividades do noso centro, e que durante estes dous cursos polariza o traballo dun grupo de alumnos e alumnas de 1º de Bacharelato e algún e algunha de 4º de ESO.

Os primeiros títulos xa están á vosa disposición e intentan responder á pregunta sobre as orixes da Unión Europea. Pensadores e políticos que ao longo do tempo foron forxando a idea dunha Europa en paz, unida con valores supranacionais que respectaran e defenderan as distintas singularidades; tamén hai sitio para outros pensadores que criticaron e denostaron esa mesma idea de Europa. Coñecer os distintos puntos de vista é paso necesario para poder orientar o noso propio.

Entre estes primeiros pensadores atoparedes nomes universais e figuras moi importantes na historia precedente que ademais tiveron un papel moi singular en prol da defensa dun futuro en común e o fomento de valores colectivos de cooperación e desenvolvemento: Churchill, Adenauer, Schengen, Schuman, Salvador de Madariaga ou Ortega y Gasset forman parte xa dun rincón da nosa bilblioteca adicado á nosa realidade pasada, presente e futura.

J. Manuel Yáñez Dablanca

Coordinador de proxectos europeos

Coincidindo coa conmemoración do Día Internacional para a Eliminación da Violencia de Xénero  o día 25 de novembro a Biblioteca quixo sumarse ao acto coa incorporación de novos títulos á sección de Literatura Feminista, coa firme crenza de que a educación na igualdade é un dos pilares para erradicar esta lacra social. 

Confiamos en que estes libros sexan unha ferramenta habitual de traballo para os distintos departamentos.

Están á vosa disposición na biblioteca do centro.

.