No arquivo adxunto tedes as programacións do departamento correspondentes ao curso 22-23.

No arquivo adxunto tedes a programación do Departamento de Música para o curso 21/22.

Credes que as bandas deseñadas non teñen son? Os rapaces de 2º ESO do noso centro demostraranvos que estades equivocados. Se facedes clic en cada imaxe atoparedes un vídeo para que o comprobedes.

COMPOSICIÓNS DESCRITIVAS
FRASES PARA COMPOSICIÓNS NON DESCRITIVAS		COMPOSICIÓNS NON DESCRITIVAS

Como moitos de vos sabedes, os traballos da profesora de música do noso centro, Carmen Losada, conseguiron sacar do esquecemento á docente e pianista Sofía Novoa. Desde fai dous anos a Deputación de Pontevedra convoca os premios Sofía Novoa Ortiz, que tratan de potenciar a realización de traballos de fin de grao ou fin de máster nos que se integre a perspectiva de xénero. Na seguinte foto podedes ver á profesora Carmen Losada coas galardoadas deste ano.

Moitas veces os instrumentos musicais poden parecernos moi complexos, pero vos sorprendería o que se pode facer con obxectos de uso cotiá. Se facedes clic no cartel o veredes.

Queredes ver como se fixeron estes instrumentos? Facendo clic en cada unha das fotos levarádevos a un vídeo onde poderedes descubrilo.

O pasado martes, Camen Losada falounos da muller e a música en Vigo durante a Restauración e a Segunda República. No seguinte vídeo tedes unha escolma desta moi interesante conferencia.

Conferencia Carmen Losada from matesrou on Vimeo.

Onte tivo lugar a segunda das conferencias do ciclo sobre as mulleres en Vigo durante a Restauración e e II República, co título: "A educación istitucional e privada na cidade de Vigo". As conferenciantes foron Miriam Varela Iglesias e María Fernanda Piñeiro Sampaio, investigadoras e profesoras na Escola de Maxisterio CEU de Vigo.

No seguinte vídeo tedes un pequeno resumo de dita conferencia.

A educación institucional e privada na cidade de Vigo from matesrou on Vimeo.

Hoxe tivo lugar a primeira das conferencias do ciclo "As mulleres de Vigo durante a Restauración e a II República". O ponente foi Xosé Luís Méndez Ferrín, escritor e político, gran coñecedor da historia de Vigo e de Galiza e que nos falou sobre a sociedade de Vigo neste período.

Aproveitamos para agradecerlle a súa presenza no noso centro.

No seguinte vídeo tedes unha escolma do que foi este acto. 

Xosé Luís Méndez Ferrín from matesrou on Vimeo.

Durante o mes de novembro terá lugar no noso instituto un ciclo de conferencias sobre as mulleres de Vigo durante a Restauración e a II República. Podedes ter máis información se facedes clic na imaxe. Esperamos a vosa presenza.