Na materia de Filosofía de 1º de Bacharelato, todo o alumnado podía, voluntariamente, participar nesta actividade, enmarcada no proxecto de Biblioteca “O libro nos camiños da Cultura Occidental. O Século XXI”, que tiña duas partes. Na primeira, debían seleccionar un capítulo da serie Black Mirror, ou unha película cunha temática similar, e facer un traballo escrito no que achegasen a súa reflexións acerca da influencia  das novas tecnoloxías na vida social (redes sociais, intelixencia artificial, big data, realidade virtual, etc), comparar o que sucede na ficción co que xa está a pasar na realidade e achegar a sua visión crítica sobre ese tema. A segunda parte consistía en exponer diante do seu grupo o traballo realizado co fin de suscitar o debate na clase sobre a nosa dependencia desas tecnoloxías.

Se queredes ver o resultado, escaneade o código QR da imaxe que tedes abaixo, na que vemos a fotos de algún do alumnado que expuxo.

O grupo de 2º ESO A de Oratoria participó no proxecto coordinado pola Biblioteca, “O libro nos camiños da cultura occidental, século XXI”, realizando - en parellas ou tríos - un vídeo sobre algún acontecemento histórico que marcara as duás primeiras dećadas do sećulo XXI: epidemias, atentados, desastres naturais, irrupción das redes sociais, a crisis financeira, a primavera árabe, o cambio climático, o movemento Me Too, o xenoma humano, o euro, ou algún personaxe importante.

A actividade estivo coordinada por Carmen Ferreiro, do Departamento de Lingua e Literatura Castelá, quen previamente introducíalles os temas, tanto teóricamente como a través do visionado de obras similares. Ao finalizar o proceso, fixeron un visionado conxunto dos vídeos cunha finalidade triple: avaliacioń grupal dos traballos presentados, conẽcemento dos acontecementos históricos e  pracer de ver o traballo dos companẽiros e companẽiras.

Se facedes clic nas imaxes poderedes acceder a algún destes traballos.

Para o proxecto de Biblioteca do IES ROU "O libro nos Camiños da Cultura Occidental,adicado este ano ao S.XXI, desde o Deparamento de Economía o alumnado de 1ºBacharelato E – F, coordinado por Tamara Cambra Otero, investigaron sobre o complexo mundo das criptomoedas.

A través do documental “Magic Money” (https://www.youtube.com/watch?v=KjIyaun-d5A) aprenderon os conceptos fundamentais: ¿Que son as criptomoedas?, orixe, principais características, ¿qué é o bitcoin?, orixe e creador ¿cómo operar con bitcoins?, ¿qué é o libro branco?, cartera fría, clave pública vs. privada, ¿qué é a tecnoloxía blockchain?, ¿qué é a minería?, vantaxes e dasvantaxes das criptomoedas fronte as divisas tradicionais, etc.

Despois afondaron sobre a diferencia entre as dúas principais criptomoedas (Bitcoin e Ether) e a tecnoloxía blockchain visionado do vídeo de Pablo Gil (https://www.youtube.com/watch?v=uWntJaOq4PY).

Comentaron tamén múltiples noticias relacionadas coas criptomonedas e fixeron unha posta en común do aprendido.

Por último, o alumnado realizou, en grupos de 3 – 4 compoñentes, un pequeno traballo sobre as criptomoedas de estilo libre, que inclue posters, vídeos, trípticos, presentación e un monopoly.

Se facedes clic na imaxe poderedes acceder á memoria de dito traballo.

No proxecto ECO-FRIENDLY HOMES colaboraron dous departamentos. Dende o de Plástica, dirixidos pola profesora Marta Olivares fixeron un deseño dunha vivenda ecolóxica, que mostrase algúns elementos tecnolóxicos, materiais reciclados ou de proximidade, para a axuda do aforro enerxético ou a preservación do medio ambiente. Dende o departamento de Inglés, dirixidos pola profesora Concepción Vázquez e a auxiliar de conversa Jamie Berkson, o alumnado tivo que facer unha descrición escrita desa casa ecolóxica, empregando as estruturas e vocabulario aprendido, e mencionando as súas propostas medioambientais. A montaxe dixital é de Xulio Banga.

Desde a materia de Galego e Bioloxía e dentro do proxecto de Biblioteca "O libro nos camiños da cultura occidental, s. XXI" traballamos co alumnado de primeiro de bacharelato o desastre ecolóxico do afundimento do Prestige. Vimos na clase o documental "Prestige. Tal como fuimos", realizado por unha produtora galega dous anos despois: https://www.youtube.com/watch?v=NqhzX3V1wpA.

Ofrecéuselles outros catro documentais en rede sobre os sucesos do Prestige: “Maldita marea. Desastre del Prestige”. Documental de National Geographic. 2016; “Prestige, petróleo y conspiración de silencio”. Documental alemán para a canle de Historia; “Prestige, el viaje a ninguna parte”. Documental de Burla Negra Cataluña, 10 anos despois do desastre; “Prestige, desastre en la Costa da Morte”. Documental por Discovery Channel. Tras procurar información na casa, intercambiamos opinións e informacións na aula. Diriximos a investigación cara á recolla de información máis particular, local e persoal ao tratarse dun feito histórico recente. Pensaron por grupos ou parellas que tipo de testemuña e preguntas serían as máis adecuadas. Entregaron máis de 20 vídeos coas entrevistas dos que na canle de youtube de Normalización do noso centro figuran cinco. 

• https://youtube.com/playlist?list=PL6_zflyZdWglwhdSylIHqKVJQhXSfC2Gp

Está pendente a edición dun único vídeo que recolla as mellores achegas das entrevistas do alumnado.

Este relato foi escrito de forma colaborativa polo alumnado de Filosofía de 4º ESO, coordinado pola profesora Celeste Cancela. O traballo encádrase dentro do proxecto "O libro nos camiños da cultura occidental: o século XXI", coordinado pola Biblioteca do centro. Narra as andanzas dunha rapaza chamada Hannah no país da posverdade. Son moitas as aventuras ás que se vai enfrontar a protagonista para poder chegar a distinguir o verdadeiro do falso, o real do "fake". Conseguirá a nosa heroína saír  san e salva de tanta picardía? 

O relato está formado por catro capítulos, nos que se abordan as seguintes cuestións: que é a posverdade, a relación entre a posverdade e a realidade, a relación entre a posverdade e as noticias falsas e, finalmente, a relación entre a posverdade e as redes sociais.

O proxecto titulado “O libro nos camiños da Cultura Occidental”,inscrito no Plan de Mellora de Bibliotecas Escolares, chega ao Século XXI. Durante todo o curso as actividades impulsadas dende a Biblioteca estarán encamiñadas a coñecer a súa arte, música, literatura, ciencia, historia, movementos sociais, etc. a través dos seus libros e os diferentes saberes que abranguen. Como en anos anteriores, na entrada da Ágora exponse un mural con imáxes de persoas e acontecementos fundamentais deste período.

Aquí tedes o cartel do proxecto "O libro nos camiños da cultura occidental" que se levará a cabo durante o curso e que este ano corresponde ao século XXI. Podedes acceder a él facendo clic neste enlace.

O proxecto (coordinado pola profesora de inglés, Concepción Vázquez e a auxiliar de conversa Ally Chard e realizado polo alumnado das Seccións Bilingües de 4º ESO) tiña como obxectivo que o alumnado coñecera e lera os libros de Mafalda e comprobaran que a pesar de terse escrito no século pasado, moitos temas seguen vixentes hoxe en día. Cos libros da biblioteca do centro o alumnado tivo que elixir unha tira cómica e traducila ao galego e ao inglés. Finalmente, tiveron que facer un pequeno comentario sobre a razón pola que elixiran a súa tira cómica. Unha vez acabado o traballo o alumnado fixo unha presentación oral para os seus compañeiros. Se facedes clic no enlace teredes unha pequena mostra que nos preparou Henar.

PROXECTO MAFALDA

Haz clic para leer este libro hecho con Book Creator

https://read.bookcreator.com

As matemáticas poden aplicarse a moitas situacións e facilitan a resposta a moitos problemas que poden plantexársenos. O alumnado de primeiro de ESO, coordinado polas profesoras do departamento de matemáticas Mariña López e Adela Rodríguez, deron esta solucións no I Congreso de Estatística, celebrado no noso instituto.

Un destes traballos (feito por Miguel Carbalho, Andrea Núñez, Gabriel Rodríguez e irene Román) resultou finalista no XI Concurso de Sondeos e Experimentos, que defenderon na Facultade de Matemáticas de Santiago de Compostela.

Se queredes saber algo máis, facece clic nos seguintes enlaces:

• I Congreso de Estatística
• Defensa en Santiago