Está aberta a convocatoria da solicitude de axudas para a adquisición de libros de texto e material escolar para o vindeiro curso 2022/23.

Podedes acceder á información se facedes clic no seguinte enlace.

Se tedes calquera dúbida podedes acercarvos á secretaría do instituto.

No dog do 25 de abril de 2022 aparece reflectida toda a información para a obtención dos premios extraordinarios de bacharelato correspondentes ao curso 2021-22 (ver documentos anexos). O prazo de presentación comeza o 26 de abril e remata o 25 de maio, habendo 20 premios de 1000€ cada un. Toda a normativa e documentación a presentar esta dispoñible no DOG.

Nos documentos adxuntos tedes a información referente ás modificacións na avaliación, promoción e titulación do alumnado para este curso escolar. Sabendo que esta información é importante e que pode ter interpretacións confusas, o centro vai organizar tres sesións informativas coas familias o 19 de abril (1º e 2º de BACH), 20 de abril (2º e 3º da ESO) e 21 de abril (1º e 4º de ESO), todas a partir das 17,30 h. Á volta da Semana Santa tamén estarán dispoñibles na web do centro, todas as modificacións dos departamentos no tocante á 3ª avaliación e final.

Xa está aberto o prazo para solicitar becas para estudos de bacharelato, FP e universitarios. Abrangue desde o 30 de marzo ao 12 de maio. Se fas clic na imaxe accederás a toda a información necesaria.

Procura non deixalo para o último día porque sempre pode haber algún problema de tramitación.

A alumna Ana Sande Álvarez defendeu o pasado día 17 o seu traballo de STEMbach titulado "Estudo de Esforzos Nunha Ponte Peonil da Autovía A-55". O acto tivo lugar na Escola Técnica Superior de Enxeñeiros Industriais e a súa defensa recibiu os parabéns do tribunal, que a calificou de sobresaínte.

O traballo foi titorizado polo profesor do Departamento de Física e Química D. Cándido Carrera Vázquez e D. José Carlos Caamaño Martínez, do Departamento de Enxeñería de Materiais, Mecánica Aplicada e Construcción, da Universidade de Vigo.

Na foto que acompaña podedes ver a alumna cos membros do tribunal: D. Pablo José Martínez Rodríguez, Dna. Adela Rodríguez Rodríguez e D. Félix Fernández Abalde.

A saúde mental é algo fundamental para o benestar das persoas. A pandemia provocada pola COVID veu agravar situacións de estrés, depresión, ansiedade, illamento ou atolesións que se están a dar nas nosas crianzas. É por iso que as persoas que formamos parte da comunidade educativa debemos informarnos para atallar estas situacións, detectalas e poder dar resposta cando se produzan para coidar da mellor maneira a saúde mental das nosas crianzas.

A actividade está organizada por FOANPAS e será impartida polo psicólogo Daniel Novoa.

Levarase a cabo o xoves día 17 e marzo, ás 17 horas, no noso centro.

Debido a que as prazas son limitadas deberase facer unha inscripción previa: ben en foanpas@foanpas.com ou enchendo o formulario https://forms.gle/KvfBKpvBPENrscqz8

Informámosvos dunha nova parada do bus que fai a liña que sae de Travesía de Vigo. No arquivo adxunto tedes todas as paradas e marcada en amarelo a nova.

No arquivo adxunto tedes unha información de utilidade para as familias que nos envía a Policía Local de Vigo.

No DOG do 31 de Xaneiro publícase a  Orde do 11 de xaneiro de 2022 pola que se convocan axudas para a realización de actividades de formación en linguas estranxeiras no ano 2022, destinadas ao alumnado dos centros docentes sostidos con fondos públicos, en réxime de concorrencia competitiva (código de procedemento ED504B).

O alumnado beneficiario é o de primeiro e segundo de bacharelato.

Nos arquivos adxuntos tedes o texto completo da orde e tamén un extracto da mesma.

Cremos que pode ser de moito interese para mellorar a vosa competencia en lingua estranxeira.