NOTA INFORMATIVA. DEPARTAMENTO DE MATEMÁTICAS.
CURSO 2019-2020.
AVALIACIÓN FINAL XUÑO
A nota final do curso será a media ponderada das notas obtidas da primeira e segunda avaliación cun peso do 40% e 60% respectivamente ou un 5 se o alumno/a aproba a segunda avaliación sendo a media anterior inferior a 5. Nestes dous casos á nota obtida sumaráselle como máximo un punto en función das tarefas presentadas polo alumnado durante o terceiro trimestre. A continuación, sobre o número obtido, efectuarase un redondeo ás unidades, é dicir, se a cifra das décimas é 5 ou máis a nota será a parte enteira do número aumentada nunha unidade e se a cifra das décimas é menor que 5 a nota será a parte enteira do número.
No resto dos casos, o alumnado deberá realizar e entregar as tarefas de recuperación deseñadas polo profesor/a correspondente con data límite de entrega 29 de maio. A valoración destas tarefas non superará a nota de 5.
PROBA EXTRAORDINARIA DE SETEMBRO.
O alumnado que, na avaliación ordinaria de xuño non obteña unha cualificación positiva na materia (5 ou máis de 5), deberá presentarse á proba extraordinaria de setembro. Nesta proba avaliaranse os contidos impartidos antes do período de confinamento.
ALUMNADO COA MATERIA PENDENTE DE CURSOS ANTERIORES.
O alumnado que non acadou unha avaliación positiva na convocatoria de xaneiro, deberá realizar e entregar, con data límite 29 de maio, as tarefas deseñadas pola Xefatura de Departamento, similares ás do plan de traballo levado a cabo antes do confinamento. A valoración destas tarefas non superará a nota de 5.
No caso do alumnado de ESO tamén se terá en conta na consecución dunha avaliación positiva a evolución na materia do curso seguinte, por implicar continuidade.