Unha representación do noso instituto formada por parte do claustro e do alumnado de 2º de Bacharelato acudiu á concentración convocada polo Concello de Cambados este mediodía. Multitude de veciños e persoas solidarizadas coas vítimas desta traxedia e as súas familias, a Alcaldesa de Cambados e o Delegado do Goberno estaban alí mostrando o seu dó por este tráxico accidente.
Mañá venres no noso instituto celebraremos tamén un minuto de silencio ó mediodía diante das nosas instalacións. Cancelamos así mesmo a celebración do festival e concursos previstos para a xornada de fin de trimestre. Agradecemos a colaboración e comprensión que está mostrando toda a nosa comunidade educativa.
