Eventos

O alumnado de 2º e 3º da ESO do Cabanillas sumouse ós 49.000 rapazas e rapaces de coles e institutos de tódalas comunidades que saíron ás rúas para amosar o que se fai nas aulas de Música de toda España. O sol acompañou e poideron cantar, bailar e tocar na praza de Fefiñáns para o público que se achegou por alí. Deixamos aquí estes enlaces ós medios que recolleron a noticia.

A Voz de Galicia

Faro de Vigo

A Voz de Galicia no Facebook

Páxina do Concello de Cambados

Con motivo do Día do Libro a nosa Biblioteca permanecerá aberta toda a semana, e acollerá diversas actividades para conmemorar esta data. As funcións e actividades habituais da Biblioteca -servizos de préstamo, clube de lectura, sala de estudo- continuarán funcionando segundo o seu horario normal.

Convidámosvos a todos a traspasar este marabilloso pórtico realizado polo Departamento de Educación Plástica e Visual que invita a mergullarse neste fantástico mundo de libros.

Así mesmo, aproveitamos para lembrar que seguen abertos os prazos de presentación de traballos para os certames literarios que organiza o IES Ramón Cabanillas. Podedes preguntar ó profesorado dos Departamentos de Lingua e Literatura Galega e Castelá toda información relativa a estes certames.

Feliz Día do Libro, tódolos días!