O prodemento ordinario de admisión en centros públicos de ESO e Bacharelato está regulado pola  ORDE do 18 de decembro de 2020 (DOG do 22 de decembro de 2020), pola ORDE do 12 de marzo de 2013 e pola ORDE do 25 de xaneiro de 2017.

Para futuras tomas de decisión, é importante saber que o IES de Ponte Caldelas ofrece estudos de ESO e Bacharelato nas modalidades de “Ciencias” e “Humanidades e Ciencias Sociais”, servizo de transporte escolar e servizo de comedor escolar os luns a mediodía.

Calendario xeral do proceso de admisión:

Información máis concreta dos primeiros procesos do procedemento:

1. Reserva de praza:

• Está dirixido ao alumnado pertencente a un centro adscrito. No noso caso:
• CEIP Plurilingüe A Reigosa (Ponte Caldelas).
• CEIP Manuel Cordo Boullosa (Ponte Caldelas).
• CEIP A Lama (A Lama)
• CEIP Doutor Suárez (Fornelos de Montes)

•  Tamén está dirixido ao alumnado que quere cambiar de centro a outro ao que estea adscrito.

•  A solicitude preséntase do 11 de xaneiro ao 8 de febreiro usando o formulario do procedemento ED550A (Anexo I), dispoñible no colexio, no instituto, na Sede Electrónica da Xunta ou na aplicación informática de admision: “admisionalumnado”. Pode presentarse en papel no colexio ou electrónicamente a través da apliación de admisión.

•  O alumnado dun colexio adscrito que queira ir a outro instituto non deberá facer reserva no IES de Ponte Caldelas e presentará solicitude de admisión no novo centro cando se abra o prazo (1 ao 20 de marzo). No caso de decidir cambiar de instituto despois de ter feito a reserva de praza aquí deberá renunciar por escrito á reserva de praza antes do 28 de febreiro para poder presentar solicitude de admisión no novo centro.

2. Solicitude de admisión:

• Está dirixido ao alumnado que solicita praza no noso centro e non pertence a un dos centros adscritos detallados no punto anterior e ao alumnado que se incorpora ao noso sistema educativo.

• Antes do 1 de marzo publicaranse os postos escolares vacantes e a letra de desempate para os casos en que haxa menos vacantes ca solicitudes.

• A solicitude preséntase do 1 ao 20 de marzo usando o formulario do procedemento ED550B (Anexo II), dispoñible no instituto, na Sede Electrónica da Xunta de Galicia ou a través da aplicación “admisionalumnado”. Pode presentarse en papel no instituto ou de forma electrónica a través da aplicación de admisión.

No mes de febreiro publicaremos información máis completa sobre como facer esta solicitude.

Observacións importantes para alumnado matriculado no noso centro:

• O alumnado que queira continuar os seus estudos aquí, en ESO ou en Bacharelato, ten garantida a permanencia e non precisa facer solicitude de reserva nin de admisión. Simplemente terá que formalizar a matrícula no prazo que lle corresponda (xullo ou setembro, dependendo das notas).

•  O alumnado que queira continuar estudos de ESO ou Bacharelato noutro centro terá que presentar solicitude de admisión no novo centro (1 ao 20 de marzo) e copia desa solicitude no noso centro. Para volver ao seu centro adscrito terá que presentar antes solicitude de reserva.

•  O alumnado que queira acceder a estudos de Formación Profesional (Básica, Media ou Superior) non ten que facer ningún trámite neste momento xa que o acceso a eses estudos non está regulado por este procedemento e a información oficial sobre prazos aínda non está publicada.