Publicada a convocatoria das axudas para a adquisición de libros e materiais para o curso 2020-2021 na ORDE do 12 de maio de 2020 (DOG do 19/05/2020)
Prazo de presentación: ata o 19 de xuño de 2020
Forma de presentación:
As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal.
Opcionalmente, poderanse presentar as solicitudes presencialmente na secretaría do centro ou en calquera dos lugares e rexistros establecidos na normativa reguladora do procedemento administrativo común.Os impresos de solicitude poden solicitarse no centro ou descargarse en https://sede.xunta.gal/doc-invia/rest/anexos/23300466 Para esta opción e para evitar acumulacións de persoas é necesario SOLICITAR CITA PREVIA AO CENTRO no teléfono 886151477.
Documentación necesaria:
· Anexos I e II debidamente cubertos e asinados.
· Copia do libro de familia onde figuren todos os membros computables (debe reflectir a situación familiar a 31 de decembro de 2018).
· En caso de separación ou divorcio, sentencia xudicial e/ou convenio regulador onde conste a custodia do/a menor.
· En casos especiais, podería ser necesaria a presentación de documentación complementaria. En caso de dúbida, consultar a convocatoria ou chamar ao instituto.