Consello Escolar: RENOVACIÓN 2024

Participa: VOTA

QUE É O CONSELLO ESCOLAR?

É o órgano de participación dos distintos membros da comunidade escolar na xestión do centro

COMPOSICIÓN

MEMBROS NATOS:

O director, que é O presidente

As xefas de estudos (diurno e nocturno).

O secretario, que actúa como secretario do Consello, con voz, pero sen voto

MEMBROS ELIXIBLES:

Sete profesores elixidos polo Claustro.

Tres representantes de país e nais (un proposto pola ANPA).

Catro representantes do alumnado.

Un representante do persoal de administración e servizos.

OUTROS:

Un representante do Concello

.

COMO TRABALLA?

Reúnese, previa convocatoria, para tratar os temas que se anuncian na mesma. As reunións acostuman a ser trimestrais, ademais das que sexan precisas ao longo do curso.

COMPETENCIAS:

- Aprobar e avaliar o proxecto educativo, de xestión e as normas de organización, funcionamento e convivencia do centro.

- Aprobar e avaliar a programación xeral anual do centro.

- Coñecer ás candidaturas á dirección e os proxectos de dirección presentados.

- Participar na selección do director ou directora...

- Decidir sobre a admisión de alumnado

- Impulsar a adopción e seguimento de medidas educativas que fomenten o recoñecemento e protección dos dereitos da infancia

- Propoñer medidas e iniciativas que favorezan estilos de vida saudable, convivencia, igualdade...

- Coñecer as condutas contrarias á convivencia e a aplicación das medidas educativas, de mediación e correctoras velando porque se cingan á normativa vixente

- Promover a conservación e renovación das instalacións e do equipo escolar e aprobar a obtención de recursos complementarios.

- Fixar as directrices para a colaboración con fins educativos e culturais, coas Administracións locais, con outros centros, entidades e organismos.

- Analizar e valorar o funcionamento xeral do centro, evolución do rendemento escolar e resultados das avaliacións internas e externas nas que participe o centro.

- Elaborar propostas e informes, a iniciativa propia ou a petición da Administración, sobre o funcionamento do centro e a mellora na calidade da xestión

RENOVACIÓN

No presente proceso electoral corresponde elixir:

4 representantes do profesorado.

3 representantes do alumnado.

1 representante de pais/nais/representantes legais.

1 representante do persoal de administración e servizos

ORGANIZACIÓN ELECCIÓNS

Corresponde á Xunta Electoral conforme ao calendario establecido na Resolución do 10 de setiembro de 2024 da Dirección Xeral de Ordenación e Innovación Educativa.

.

FORMA DE PARTICIPACIÓN:

Candidato: Todos os traballadores do centro, alumnado matriculado e os seus pais e nais ou titores legais que voluntariamente queiran presentar a súa candidatura para representar os distintos sectores.

Participando nas votacións: O voto será directo, secreto e non delegable. Será preciso acreditar a personalidade mediante a presentación do DNI ou calquera outro documento acreditativo.

As diferentes mesas electorais encargaranse de presidir a votación, conservar a orde, velar pola pureza do sufraxio e realizar o escrutinio.

Mesa de pais/nais: directora do centro + 4 pais/nais designados por sorteo público entre os que non se presenten como candidatos.

Mesa alumnado: directora do centro + 2 alumnos/as designados/as por sorteo.

Poderán actuar como supervisores da votación os pais/nais e alumnado propostos pola ANPA ou avalados pola sinatura de 10 electores.

A Resolución do 10 de setembro de 2024 estableceu o calendario para a realización de eleccións de membros do consello escolar no que destacan as seguintes datas:

Día 30 de Outubro

Publicacións das convocatorias de eleccións nos distintos sectores educativos: profesores, pais/nais, alumnado e persoal de administración e servizos.

Publicación provisional dos censos dos sectores educativos citados.

Envío de escritos ao Concello solicitándolles a designación dos seus representantes.

Día 11 de Novembro

Proclamación e posterior publicación de candidaturas por sectores de representación.

Aprobación definitiva de censos electoral, unha vez resoltas as posibles reclamacións.

Aprobación de modelo de papeletas e sobres dos distintos actos electorais.

Sorteo público da designación dos membros das mesas electorais.

Día 14 de Novembro 

Reunión para resolver posibles reclamacións de candidaturas.

Día 18 de Novembro

Celebración das votacións (se se modificara o día dalgunha das votacións, informarase os interesados/as).

Día 25 de Novembro

Proclamación de candidatos electos.

Traslado ao xefe territorial da Consellería de Cultura, Educación, Formación Profesional e Universidades das copias de actas das votacións efectuadas.