Actividades no centro

Datas e Datos

Actividades no centro

O pasado 25 de novembro, día contra a violencia de xénero, acudimos a un acto celebrado no Concello para nos manifestar en contra desta lacra social. Porén, ao día seguinte, consideramos que os acontecementos que estamos a vivir esixen unha atención maior como para circunscribir a repulsa a un día determinado. Por iso, puxemos en marcha un proxecto que tiña como finalidade, por un lado, manifestar o noso rexeitamento contra este problema social e, por outro, evidenciar dunha maneira rotunda, a través dos datos, a gravísima magnitude desta desgraza.

Ler máis

Certame de CONTOS BREVES en Galego

Actividades no centro

O EDLG en coordenación co departamento de Lingua Galega, ven de organizar un certame de contos cortos para 1º da ESO. Haberá premios aos mellores contos e serán publicados na revista " O Serodio". Animamos ao alumnado a que sexa creativo en galego.

O Profesor Carracedo no noso Instituto: INOLVIDABLE

Actividades no centro

O pasado martes 22 de xaneiro tivemos o luxo de escoitarmos ao profesor Anxo Carracedo. Este galego de Santa Comba é un dos grandes científicos do noso tempo. A súa paixón, xunto co mar, é a xenética. O seu humanismo e carácter afable, a emoción con que transmite o seu saber, a súa sinxeleza, a súa sensibilidade prenderon de seguida no auditorio que o escoitaba. Admiramos as súas palabras.

Ler máis

Revista do EDLG “ O Serodio”

Actividades no centro

Sacamos ao prelo un novo número da revista do EDLG “ O Serodio” neste primeiro trimestre pasado do curso 2018/19.

Nela, contamos coa colaboración do alumnado para a redacción, busca de información, entrevista e creación. A Dirección implicouse de cheo na procura de outros artigos incluídos e tamén na enmaquetación e destribución da mesma.

Animamos a toda a comunidade educativa a axudar a que este proxecto medre e aporte os seus contidos , textos, fotos, debuxos, etc. Todos e todas estades convidados e convidadas a facer do Serodio a vosa revista.

Inauguración do Graffiti

O martes 11 tivemos un acto institucional de inauguración do graffiti elaborado polo alumnado de 3º ESO A na entrada do Pavillón. Fomos un dos 10 centros educativos de toda a provincia seleccionados pola Área de Xuventude da Deputación de Pontevedra para a realización desta composición de arte urbana. Desde a nosa perspectiva quixemos que a creación traballada polo alumnado amosase o proxecto "O monte nace na Escola", no que estamos involucrados.

Ler máis

Samaín

Actividades no centro

O pasado luns 5 de novembro asistimos co alumnado de 3º e 4º da ESO e de FP básica, a unha charla sobre o Samaín impartido polo catedrático de matemáticas Braulio Amaro Caamaño quen nos fixo unha presentación na que explicou a orixe, evolución e importancia do calendario que temos a día de hoxe, a relación entre a astronomía e a medición do tempo para os nosos antergos e o significado das datas do Samaín. No contexto da cultura europea o Samaín foi e segue a ser en certas zonas, unha data de referencia para as diferentes culturas existentes na antigúidade tanto no continente como nas illas británicas.