Actividades no centro

Hoxe tivemos unha visita moi especial. A Concelleira de Educación, Pilar Casas, fíxonos a entrega de Plastiquina, a moneca embaixadora do Proxecto Desplastifícate.

Este proxecto xurdiu no grupo do traballo sobre Desenvolvemento Sostenible no XXXI Encontro das Escolas Asociadas da UNESCO (Benidorm, xullo de 2018) coa finalidade de traballar no problema da contaminación por plásticos.

A contaminación por plásticos, a pesar de ser recente, ten un peso indiscutible sobre o planeta e a súa produción estivo aumentando sostenidamente nos últimos 50 anos, mentres que a súa reciclaxe non vai á vez. No mundo soamente unha fracción dos plásticos descartados recíclase, e segundo un novo informe de ONU Medio Ambiente, si continuamos así, a produción de plástico non só crecerá, senón que se duplicará nas próximas décadas.

O 9 de xaneiro, nada máis volver das vacacións de Nadal, pasamos unha boa parte da mañá atendendo as explicacións que Marcelo, técnico especialista de Revitaliza, nos dou ao alumnado novo no Centro sobre a compostaxe. Asistimos o alumnado de todo o 1º de ESO, 1º de FPB e 1º de Ciclo, co correspondente profesorado. Esta interesante xornada tivo varias quendas, mais todas elas cunha estrutura idéntica en dúas partes: unha primeira, celebrada en Usos Múltiples,  onde a través dun audiovisual se nos introduciu nos aspectos básicos da compostaxe; e unha segunda, na que, dende o propio composteiro que temos no Instituto, se visualizou na práctica as ideas e contidos impartidos.

Estimamos que debemos, a través de prácticas tan oportunas como a da compostaxe, contribuír a coidar a natureza. Estamos protexendo o medio ambiente con iso!

Aquí vos presento ao noso marabilloso equipo de dinamización lingüística do Galego coa nova camiseta que os identifica e do trinqui. Eles e elas escolleron o lema da camiseta "En Galego, Enténdote" escolleron tamén a cor, azul celeste , unha das cores de galiza, e do celtiña de Vigo, por que non dicilo?.Eles e elas van ter unha Misión ( imposible?, non creo) durante o que resta do mes de xaneiro e durante todo o mes de febreiro. A misión consiste en conseguir neofalantes en galego, é dicir, conseguir que compañeiros ou compañeiras que adoitan falar en castelán, comecen a falar o galego de maneira habitual. Difícil reto, xa o sabemos, mais temos que tentalo. Haberá éxitos e fracasos pero , é que a vida é así, ou?