Cadaquén na súa casa, como illados náufragos... e visitando outros mundos á espera de que o noso sexa unha vez máis habitable...

Lectura nocturna

Con motivo da celebración do 8 de marzo, Día Internacional da Muller, realizouse unha decoración da zona de entrada e das escaleiras de acceso á primeira planta.

Como se pode ver nas imaxes, cada chanzo de subida quedou asimilado a un dos moitos aspectos nos que debería verse reflectida a igualdade.

Fixéronse así mesmo copias dun cartel divulgador, elaborado por unha alumna de primeiro. Con ese mesmo deseño imprimíronse adhesivos que se puxeron a disposición de todo aquel persoal que quixese facerse con un.

A decoración completouse cunha pequena mostra de libros pertencente

s ao fondo da nosa biblioteca e que nos informan sobre o papel que desempeñan as mulleres en ámbitos moi variados e relevantes da historia, da ciencia e da cultura.

II CONCURSO EDUCATIVO DE MICRORRELATOS “OROSO”

Bases

O concello de Oroso, en colaboración co Equipo de Dinamización Lingüística e a ANPA do IES de Oroso, co fin de potenciar a creatividade literaria en lingua galega, convocan o II Concurso Educativo de Microrrelatos “Oroso”.

Destinatarios

- Alumnado matriculado no IES de Oroso.

Prazo

- O  prazo para a presentación de textos estará aberto ata o día 25 de marzo de 2020.

Características dos  microrrelatos

-  Deberán estar escritos en lingua galega, ser orixinais e inéditos. As persoas participantes garantirán que son as lexítimas autoras do texto.

- O tema é libre.

- Cada participante poderá presentar un máximo de dous microrrelatos, aínda que só poderá obter un único premio.

-  A extensión do texto non superará as 150 palabras, título incluído.

- Os textos presentaranse escritos en letra Arial, 12 puntos, interliñado 1.5

Normas de presentación

- Os participantes solicitarán na secretaría do centro dous sobres nos que deben figurar:

II Concurso de microrrelatos “Oroso”

Sobre A. Nel figurará o título do microrrelato e conterá o texto do microrrelato sen sinatura e baixo un pseudónimo.

Sobre B.Nel figurará o título do microrrelato-pseudónimo  e conterá os datos persoais da persoa concursante: nome e apelidos, e curso.

Premios

1 premio. Un  vale de 75 euros.

2 premio. Un vale de 50 euros.

3 premio. Un vale de 25 euros.

Os citados vales serán válidos nos comercios de Sigüeiro Aula 10 ou Equípate.

Xurado

- O xurado estará composto por dúas persoas  representantes do concello de Oroso, unha persoa representante da ANPA , un alumno ou alumna e por un profesor ou profesora.

- As obras presentadas poderán ser utilizadas polas persoas  organizadoras, sempre co nome do autor ou autora,  en posibles publicacións  de dinamización cultural.

Do mesmo xeito que outras moitas entidades culturais e educativas, o IES de Oroso sumouse no día de hoxe á conmemoración do Día de Rosalía. Para divulgar a súa obra:

-Realizamos na entrada do instituto unha mostra de obras da autora, acompañadas de un ramo de flores de papel coa súa imaxe e algúns versos.

-Pintáronse versos con cores transparentes na cristaleira do corredor inferior.

-Entregouse a cada un das alumnas e alumnos do centro un marcapáxinas cun poema seu e un retrato (estilo "manga") realizado por unha alumna.

A morte, a violencia sexual e física, o ciberacoso, a falta de respecto, o maltrato verbal e a tiranía emocional, a intimidación, o illamento, o control, o abuso de confianza, o abuso de autoridade, a mutilación, a discriminación salarial, a marxinación... son violencias que viven miles de mulleres no mundo en absoluto silencio.

As rapazas e rapaces do IES de Oroso son conscientes desa negra realidade, polo que neste Día Internacional para a Eliminación da Violencia contra a Muller ergueron a súa voz en contra do maltrato segundo se pode constatar na convocatoria realizada pola representante do alumnado do centro:

"Cada 25 de novembro celébrase o Día Internacional da Eliminación da Violencia contra a Muller para denunciar a violencia que se exerce sobre as mulleres en todo o mundo e reclamar políticas en todos os países para a súa eliminación.

Os alumnos do IES de Oroso estamos en contra deses actos sexistas que producen dano físico, psicolóxico e emocional por iso este ano creamos a canción "Todas tocadas, Oroso en marcha" e queremos facer con ela unha homenaxe a todas esas mulleres asasinadas pola violencia machista e en concreto a Nerea e a Kelly. O luns cando toque o timbre dos recreos sairemos das aulas en silencio total e absoluto e iremos sentar fronte ás súas figuras e interpretaremos pra elas a nosa canción.

Pedímoslle a todo o alumnado colaboración e participación no acto para mostrar que no IES Oroso estamos en contra da violencia machista. Lembrade tamén vir vestidos de negro. Moitas grazas."

En colaboración co Departamento de Educación Física, interpretaron esta canción:

Unha estrela anana, parecida ao Sol e coñecida polos científicos como HD 149143, podería moi pronto levar o nome de Rosalía de Castro. E un dos seus planetas, o nome de Río Sar.

Esta proposta foi realizada pola Agrupación Astronómica Ío (da Coruña) conxuntamente coa Casa Museo da poeta perante a Unión Astronómica Internacional. A dita proposta foi aceptada, entre outras.

Así que desde o pasado venres xa é posible votar entre varias opcións na web http://nombraexoplanetas.es/ ata o 12 de novembro. (nas redes sociais estase a utilizar o cancelo #EstrelaRosalía).

Apoia que esa estrela leve o nome da nosa escritora, e vota!

__________

Se queres máis información, podes atopala picando aquí.

Reunido o xurado do Concurso de Fotografía do IES de Oroso 2019, resolveu conceder os premios ás seguintes fotos:

1º PREMIO: Borja Rey González

2º PREMIO: Carla Calvo Pombo

3º PREMIO: María Feijoo Díaz

MOITÍSIMOS PARABÉNS AOS GAÑADORES!

O equipo de dinamización lingüística dávos a benvida ao novo curso animándovos a usar a lingua propia de Galicia.

Nunha entrada anterior comunicamos o fallo do I concurso de Microrrelatos, convocado conxuntamente entre o IES de Oroso e o Concello de Oroso baixo a organización do Departamento de Dinamización Lingüística e en colaboración coa Biblioteca Escolar.

Comunicamos que os relatos presentados foron recompilados nunha pequena publicación baixo o título "Microrrelatos 2019", publicación da que foi entregado un exemplar tanto a todo o alumnado como ao profesorado e persoal non docente.

Para que poida ser coñecida e lida por todos, tomamos a decisión de facer unha edición en formato pdf, que podes "baixar" se picas na portada que aparece reproducida á esquerda. Que gocedes coa súa lectura.

Ah! E grazas ao Concello de Oroso polo patrocinio!