|
O venres 8 de febreiro Anxo Carracedo visitou o noso centro para falarnos do seu traballo, na conferencia “Pescando xenes”. É profesor de Medicina Legal, Ética Médica e Bioloxía Molecular na facultade de Medicina e Odontoloxía da Universidade de Santiago de Compostela. Na actualidade, como director da Fundación Pública Galega de Medicina Xenómica e Xefe de grupo do CIBER de enfermidades raras, coordina o grupo de Medicina Xenómica que consta de 10 unidades de investigación, no que traballan 150 persoas e varias plataformas tecnolóxicas. O profesor Carracedo fixo primeiramente un repaso á súa vida persoal, académica e profesional, para centrarse logo no seu labor investigador e, finalmente, acabou por animar ao alumnado a que por medio dos seus estudos e dedicacións procure a felicidade. |
|
