MATEMÁTICAS, ESAS DESCOÑECIDAS. SESIÓN 4: JULIA BOWMAN ROBINSON
Julia foi a primeira muller membro da Academia das Ciencias en E.E.U.U.
Dela é a hipótese de Robinson; básica para resolver o décimo problema de Hilbert. Na súa obra “Un método iterativo de resolución de xogos”, demostra un teorema de converxencia que está considerado como o máis importante na Teoría Elemental de Xogos.
Tamén foi a primeira muller que presidiu a Sociedade Matemática Americana, aínda que, como ela mesma dixo, “o que son é matemática. Antes que ser recordada como a primeira muller que iso ou aquilo, preferiría ser recordada como calquera matemática, simplemente polos teoremas que demostrei e os problemas que resolvín”.