Formación conducente a certificación de profesionalidade
As compañeiras da asociación AMBAR informan:
Ampliación de inscricións ata o 6 de maio para a formación destinada a persoas con diversidade funcional de idades entre 16 e 29 anos.
Trátase dunha formación vinculada ós contidos dos certificados de profesionalidade de Hostalería: Operacións básicas de Cociña (HOTR0108) e Op. básicas de Catering (HOTR0308), que dará comezo o 22 de abril cunha fase teórica que inclúe ademais habilidades prelaborais e transversais (competencias dixitais, sensibilización medioambiental e igualdade).
E tamén contaremos cunha segunda fase con prácticas en empresas ordinaria e coa metodoloxía de ECA (Emprego con Apoio), con acompañamento e seguimento dunha preparadora laboral.
As persoas que realicen a formación contarán cunha beca de asistencia de 9 euros ó día e con servizo de transporte, de precisalo.
Máis información na súa web: https://asociacionambar.org/formacion-en-cocina-e-catering-inscricions-abertas/
