Charlas de Rogelio Santos Queiruga

Rogelio Santos Queiruga, mariñeiro e alumno de Bacharelato de adultos no noso centro, impariu varias charlas ao alumnado de 3º ESO e ESA nas dúas últimas semanas.

O mundo do mar, a súa propia experiencia vital, a responsabilididade de todos nós á hora de coidar do mar e, tamén, a importancia da aprendizaxe e formación persoal, foron os temas tratados nestas charlas. Resultaron moi amenas e próximas ao alumnado, que se mostrou moi atento e participativo coas súas intervencións e preguntas ao terminar.

Agradecemos que nos dedicase o seu tempo e aproveitamos para felicitalo polo seu labor divulgativo, tanto da biodiversidade das nosas rías, como da súa sustentabilidade.