CARTA ÁS NAIS/PAIS DO IES Nº 1

Estimadas/os nais/pais

Logo de moitos días de incertezas e cambios de rumbo por parte da administración educativa, finalmente o pasado 16 de setembro tivemos a confirmación dos recursos e condicións cos que temos que organizar o presente curso 2020/2021: aprobáronse dous desdobres nos cursos da ESO, aumentouse a plantilla en catro profesores e estableceuse por parte da Consellería a semipresencialidade nos bacharelatos.

Con estes recursos, a organizacióndo centro queda como segue:

Como se pode observar na táboa anterior, conseguiuse desdobrar 1º da ESO (1 grupo), 2º da ESO (2 grupos) e 4º da ESO (1 grupo), quedando as ratios entre 17 e 24 alumnos/as por aula, respectándose a distancia de seguridade de 1,5 metros entre postos na maior parte dos casos. Cando non é posible, instálanse mamparas individuais en L (3/4 postos por aula).

Con esta solución mixta de desdobres e mamparas conseguimos o equilibrio entre as esixencias do protocolo, a provisión de profesorado aprobado pola Consellería e os problemas estruturais do centro, principalmente a falta de espazo.

O punto máis conflitivo que atopamos nesta proposta é o da semipresencialidade da ensinanza no bacharelato.

Esta modalidade supón que parte do alumnado, sempre o menor número posible, permaneza nos seus fogares  unha semana ao mes de xeito rotatorio, recibindo atención mediante medios telemáticos a criterio do profesorado (aula virtual, videoconferencia, streaming, etc).

No noso caso estamos a falar de un grupo de entre 5 e 7 alumnos/as por aula, o que nos permitiría que nesas clase se mantivese a ratio máxima de 21/22 alumnos e, polo tanto, respectar a distancia de seguridade.

Na web do instituto podedes atopar o Plan COVID e os planos coa distribución das aulas e as indicacións para as entradas e saídas. Próximamente publicaremos outro protocolo de carácter máis práctico co funcionamento do día a día do centro.

Un saúdo

A Dirección do IES Nº 1 de RIbeira